هــــه‌واڵ كــوردى
100 مه‌شخه‌ڵ ئاگر له‌ ئاكرێ كووتايى وه‌ "سايكس بيكۆ" هاورد

100 مه‌شخه‌ڵ ئاگر له‌ ئاكرێ كووتايى وه‌ "سايكس بيكۆ" هاورد


شه‌فه‌ق نيوز/ سه‌دان هاووڵاتى له‌ شار ئاكرێ سه‌ر وه‌ پاريزگاێ دهۆك ئاهه‌نگيگ ساز كردن له‌وه‌ر پشتگيرى له‌ راپرسێ سه‌روه‌خوه‌يى هه‌رێم كوردستان له‌ عراق و دامه‌زرانن ده‌وڵه‌ت سه‌روه‌خوه‌يى كورد.

 

ئى ئاهه‌نگه‌ ديمه‌ن ره‌نگينيگ بوى و 100 كه‌س له‌ كويه‌ێ ئاكرێ چينه‌ بان و مه‌شخه‌ڵ ئاگر وه‌ ده‌سيانه‌و بوى له‌ ئاماژه‌يگ ئه‌را وه‌سه‌رچگن 100 ساڵ له‌ ريككه‌فتن سايكس - بيكۆ ك له‌تى دابه‌ش نيشتمان كورد كريا له‌بان ده‌وڵه‌ته‌يل عراق و سوريا و توركيا و ئيران.


ئاهه‌نگسازه‌يل له‌و ئاهه‌نگه‌ ئه‌و مه‌شخه‌ڵه‌يل ئاگره‌ وه‌ كووتاييهاتن وه‌ سه‌رده‌م زوڵمكردن له‌ كورد زانستن ئه‌را ماوه‌ێ سه‌ده‌يگ له‌ رووژگار وه‌ ئه‌وه‌گ ئيسه‌ وه‌خت دامه‌زرانن ده‌وڵه‌ت سه‌روه‌خوه‌يى كورده‌ جوور باقى ملله‌ته‌يل تر ناوچه‌گه‌.

 

جى باسه‌، ئه‌و هاووڵاتيه‌يله‌ وه‌ مه‌شخه‌ڵ ئاگره‌و چينه‌ بان به‌رزايى جه‌وه‌ڵه‌گه‌ وه‌ خوه‌شى و هه‌ڵهه‌ڵه‌ و هه‌ڵپه‌ڕگه‌ێ كوردى و گورانيه‌يل نيشتمانى وه‌خار ئاهه‌نسگازى ئه‌را راپرسێ ك رێ ئه‌را دامه‌زرانن ده‌وڵه‌ت كوردى خوه‌ش ئه‌كا.