هــــه‌واڵ كــوردى
پارتى ديارترين ئامانجه‌يل سه‌ردانه‌گه‌ى بارزانى ئه‌را به‌غداو نه‌جه‌ف ده‌رخست

پارتى ديارترين ئامانجه‌يل سه‌ردانه‌گه‌ى بارزانى ئه‌را به‌غداو نه‌جه‌ف ده‌رخست


شه‌فه‌ق نيوز/ ڤيان سه‌برى سه‌رۆك فراكسيۆن پارت ديموكرات كوردستان له‌ په‌رله‌مان عراقى، سه‌ردانه‌گه‌ى مه‌سعود بارزانى سه‌رۆك پارته‌گه‌ ئه‌را به‌غدا وه‌ سه‌ردان خاسيگ تاريف كرد.

 

سه‌برى ئه‌را شه‌رقولئه‌وسه‌ت وت: گرنگى ئى سه‌ردانه‌ ئه‌وه‌سه‌ له‌ وه‌خت حه‌ساسيگ بويه‌ ك هيمان حكومه‌ت تازه‌ى ئيسه‌ ها سه‌ره‌تاى دامه‌زراننى و سه‌ردانيگه‌ پشتگيرى ئه‌را حكومه‌ت سه‌رۆك وه‌زيره‌يل له‌خوه‌ێ گرتگه‌ وه‌ل پيروزبايى و پته‌وكردن متمانه‌ى مێژوويى له‌ناونى هه‌ردوگلا.

 

سه‌برى وت: ئامانج له‌ى سه‌ردانيشه‌ ئه‌وه‌سه‌ ده‌رفه‌ت بدريه‌ێده‌ گشت لايه‌ن و هيزه‌يل سياسى عراقى ئه‌را راسه‌وكردن هه‌ڵه‌يل گوزه‌يشته‌يان و وه‌ردوام بوون له‌ شه‌راكه‌ت راسكانى و نه‌هيشن ناكووكيه‌يل و كاركردن له‌وه‌ر خار چاره‌سه‌ر كيشه‌يل له‌ئاست هه‌رێم كوردستان و حكومه‌ت ناوه‌ندى و ته‌نانه‌ت له‌بان ئاست گشت هيزه‌يل سياسى عراقى.