هــــه‌واڵ عــیراق
راپۆرتيگ بريتانى سيناريۆێ خواست ماكگۆرك و سلێمانى ده‌رخست

راپۆرتيگ بريتانى سيناريۆێ خواست ماكگۆرك و سلێمانى ده‌رخست


شه‌فه‌ق نيوز/ گۆڤار ئيكۆنۆميست بريتانى له‌ راپۆرتيگى جه‌خت له‌وه‌ كرد ركابه‌رى ناونى وڵاته‌يل يه‌كگرتگ و ئيران و لايه‌نگره‌يليان هه‌ڕه‌شه‌س ئه‌را به‌شبه‌شه‌وكردن عراق و ده‌سوه‌پيكردن گرژێ سياسى وه‌ره‌و ده‌يشت ناوچه‌ى سه‌وز.

 

گۆڤاره‌ بريتانيه‌گه‌ وت: عراقيه‌يليش چه‌وه‌ڕێ بۆشايى سه‌رۆكايه‌تى ئه‌كه‌ن و له‌ هه‌مان وه‌خت واشنتۆن و ته‌هرانيش خه‌ريك ئاڵشت وئوڵشت نامه‌ن له‌ پايته‌خته‌يل سياسى و له‌ مه‌يدان و هه‌ر لايه‌نيگيش هه‌وڵ دامه‌زرانن هاوپه‌يمانێ وه‌ مه‌يل خوه‌ێ ئه‌ياد، برێت ماكگۆرك كلرياگ وڵاته‌يل يه‌كگرتگ و قاسم سلێمانى سه‌ركرده‌ى فه‌يله‌ق قودس رزه‌يل هاوپه‌يمانيان له‌ ناوچه‌ى سه‌وز له‌ به‌غدا ريك ئه‌خه‌ن و ئيران په‌رله‌مانيگ شيعه‌ ئه‌خوازێد و ماكگۆركيش هاوپه‌يمانييگ وه‌حوكم هاوپه‌يمان له‌ناونى كورد و عه‌ره‌ب سنى ئه‌خوازێد وه‌ سه‌ركردايه‌تى قه‌وميه‌يل شيعه‌ ك لايه‌نگرى كه‌متر داشتون ئه‌را ئيران.

 

جى باسه‌، راپۆرته‌گه‌ ئاماژه‌ وه‌يه‌يش كرد دوياكه‌فتن مه‌سه‌له‌ى هه‌ڵوژانن هه‌ردوگ سه‌رۆك ده‌وڵه‌ت و حكومه‌ت وه‌ شيوه‌يگ ئه‌منى شيه‌و ئه‌كريه‌ێد و گرژێ سياسى شيوازيگ سه‌خت وه‌رگرتگه‌و روێ له‌ ده‌يشت ناوچه‌ى سه‌وز كردگه‌.