هــــه‌واڵ جیــهانى
گفتگوو كۆريا - كۆريا له‌ ئاست به‌رزيگ ده‌سوه‌پيكرد

گفتگوو كۆريا - كۆريا له‌ ئاست به‌رزيگ ده‌سوه‌پيكرد


شه‌فه‌ق نيوز/ ئمڕوو گفتگووه‌يل هاوبه‌ش ناونى هه‌ردوگ كۆريا ده‌سوه‌پيكرد و هه‌ردوگلايش گرينگى ئه‌را دانيشتنه‌ به‌رز نرخانن و ئاماژه‌يش وه‌ مه‌يل سه‌رخستنى كردن.

 

له‌ى باوه‌ته‌و، ڕى سيون كون سه‌رۆك شاند كۆرياى باكوو له‌ وته‌يگ له‌وه‌خت وازكردن ئه‌و دانيشتن گشتيه‌ ئه‌را گفتگوو له‌ دارولسه‌لام له‌ ديم باشوور ئاوايى بانمونجوم وت: باوه‌ڕم ئه‌وه‌سه‌ ك بايه‌سه‌ له‌بانمان ئامام خاسيگ پيشكه‌ش بكه‌يم جوور خه‌ڵاتيگ ئه‌را ملله‌ته‌يل هه‌ردوگ كۆريا وه‌بوونه‌ى ساڵ تازه‌ و كار له‌بان سه‌رخستن گفتگووه‌يل هاوبه‌ش بكه‌يم وه‌ گشت دڵسووزييگ.

 

جى باسه‌، له‌لايه‌ن خوه‌ييشه‌و جو ميونغ كيون سه‌رۆك شاند كۆرياى باسوور وت: ئمڕوو دوياى داوڕيان په‌يوه‌نديه‌يل له‌ناونى هه‌ردوگ كۆريا ئه‌را ماوه‌ى فريه‌يگ سه‌رله‌نوو ده‌سكريا دانيشتن و گفتگوو و ئوميده‌واريم بتويه‌نيمم خه‌ڵات خاسيگ پيشكه‌ش بكه‌يم وه‌ مه‌يل ملله‌ته‌يلمان.