هــــه‌واڵ عــیراق
بانك رافده‌ين له‌وه‌ر دامه‌زرانن شوونه‌يل نيشته‌جيكردن هاوكارى كومپانيايه‌يل ئه‌كا

بانك رافده‌ين له‌وه‌ر دامه‌زرانن شوونه‌يل نيشته‌جيكردن هاوكارى كومپانيايه‌يل ئه‌كا


شه‌فه‌ق نيوز/ بانك رافده‌ين ئاشكراى ئه‌وه‌ كرد ك ئاماده‌س هاوكارى وه‌ل كومپانيايه‌يل وه‌به‌رهاوه‌ر بكا وه‌ ئامانج دامه‌زرانن شوونه‌يل نيشته‌جيكردن له‌ عراق و داين قه‌رز وه‌ هاووڵاتيه‌يل ئه‌را سه‌ندن يه‌كه‌يل نيشته‌جى له‌و پرووژه‌يل ته‌مامكرياگه‌ له‌وه‌ر به‌شداريكردن له‌ چاره‌سه‌ر قه‌يران نيشته‌جى.

 

له‌ى باوه‌ته‌و، نويسينگه‌ى ره‌سانن بانكه‌گه‌ له‌ به‌ياننامه‌يگ ئه‌را(شه‌فه‌ق نيوز)وت: داوا له‌ كومپانيايه‌يل وه‌به‌رهاوه‌ر كرد هه‌وه‌جه‌يل پرووژه‌ى وه‌به‌رهاوردنيان پيشكه‌ش بكه‌ن ك ئامانج له‌لى دامه‌زرانن يه‌كه‌يل نيشته‌جيكردنه‌و دوياخريش ڕى وشوون له‌باره‌ى ئه‌و پرووژه‌يله‌ ئه‌نجام ئه‌دريه‌ێد له‌لايه‌ن ئداره‌ى گشتى بانكه‌گه‌.

 

جى باسه‌، نويسينگه‌ى بانك رافده‌ين هه‌ميش وت: بانكه‌گه‌ لقه‌يل دياريكرياگيگ ته‌رخان ئه‌كا ئه‌را داين قه‌رز وه‌ هاووڵاتيه‌يل له‌وه‌ر سه‌ندن ئه‌و يه‌كه‌يل نيشته‌جيه‌.