هــــه‌واڵ كــوردى
يه‌كێتى نيشتمانى ئاكام دانيشتنه‌گه‌ى وه‌ل پارتى ئاشكراكرد

يه‌كێتى نيشتمانى ئاكام دانيشتنه‌گه‌ى وه‌ل پارتى ئاشكراكرد


شه‌فه‌ق نيوز/ هه‌ردوگ مه‌كته‌ب سياسى يه‌كێتى نيشتمانى كوردستان و پارت ديموكرات كوردستان، دانيشتنيگ له‌ هه‌ولێر ساز كردن.

 

دوياى ته‌واوبوين دانيشتنه‌گه‌، سه‌عدى ئه‌حمه‌د پيره‌ قسه‌كه‌ر فه‌رمى وه‌ناو يه‌كێتى نيشتمانى ئه‌را رووژنامه‌نويسه‌يل وت: له‌و دانيشتنه‌ باس له‌ بارودوخ ئه‌منى و گوزران هاووڵاتيه‌يل كرياگه‌ له‌ڕێ داين مووچه‌يليان و خاسكردنى و باس خزمه‌تگوزارى كرياگه‌ ك پيشكه‌ش وه‌ هاووڵاتيه‌يل ئه‌كريه‌ێد.

 

ئه‌حمه‌د پيره‌ وت: له‌ دانيشتنه‌گه‌ باسيش له‌ دامه‌زرانن حكومه‌ت تازه‌ى عراقى كرياگه‌ له‌لايه‌ن حزبه‌يل كوردستانى له‌ به‌غداى پايته‌خت ك ئه‌وه‌ دوياى ئاكام كووتايى هه‌ڵوژاردنه‌يل ئه‌دێ و له‌ هه‌مان وه‌خت ئاماژه‌ وه‌يه‌يش كرد ك هووكار دوياكه‌فتن سه‌ردانه‌گه‌يش ئه‌را به‌غدا له‌وه‌ر خوه‌ينيشانداينه‌يل باشوور عراق بويه‌.