هــــه‌واڵ كــوردى
مه‌عسوم و حاجى مه‌حمود باس چاره‌سه‌ر قه‌يران ناونى به‌غدا و هه‌ولێر كردن

مه‌عسوم و حاجى مه‌حمود باس چاره‌سه‌ر قه‌يران ناونى به‌غدا و هه‌ولێر كردن


شه‌فه‌ق نيوز/ فوئاد مه‌عسوم سه‌رۆك كۆمار وه‌ل محه‌مه‌د حاجى مه‌حمود سكرتێر حزب سۆسياليست ديموكرات كوردستان، باس له‌ دويا روێداگه‌يل و بار ئيسه‌ى سياسى و ڕيه‌يل گونجياگ كردن ئه‌را چاره‌سه‌ر قه‌يران ناونى به‌غداو هه‌ولێر.

 

نويسينگه‌ى مه‌عسوم له‌ به‌ياننامه‌يگ ئه‌را(شه‌فه‌ق نيوز)وت: هه‌ردوگلا له‌و ديداره‌ باس له‌ روێداگه‌يل سياسى و كيشه‌يل تر تايبه‌ت وه‌ عراق و له‌وانه‌يش ريڕه‌و قه‌يران ئيسه‌ى ناونى حكومه‌ت ناوه‌ندى و حكومه‌ت هه‌رێم كوردستان و ڕيه‌يل چاره‌سه‌ر له‌ى باوه‌ته‌و كردنه‌.

 

جى باسه‌، به‌ياننامه‌گه‌ هه‌ميش وت: محه‌مه‌د حاجى مه‌حمود پشتگيرى خوه‌ى ده‌رخستگه‌ ئه‌را هه‌وڵه‌يل سه‌رۆك كۆمار له‌وه‌ر خاسه‌وكردن بار گرژى سياسى و نزيكه‌وكردن و هوير وڕا وه‌خاتر ره‌سين ئه‌را له‌يه‌كڕه‌سينه‌وه‌يگ تا وه‌ گووره‌ى بتويه‌نريه‌ێد چاره‌سه‌ر قه‌يران بكريه‌ێد وه‌ل لايه‌نه‌يل په‌يوه‌نديدار.