هــــه‌واڵ عــیراق
شاره‌زايه‌يل: ئيران وه‌ شيوازيگ چه‌په‌ڵ دۆلاره‌يل عراق به‌ێد

شاره‌زايه‌يل: ئيران وه‌ شيوازيگ چه‌په‌ڵ دۆلاره‌يل عراق به‌ێد


شه‌فه‌ق نيوز/ شاره‌زايه‌يل عراقى وشدارى دان له‌باره‌ى كرده‌وه‌يل گومانليكرياێ ك حاڵ حازر له‌لايه‌ن ئيرانه‌و جيوه‌جێ ئه‌كريه‌ێد ئه‌را ده‌سكه‌فتن دۆلار له‌ عراق ك يه‌يش بويه‌سه‌ هووكار داوه‌زين دينار دوياى ئه‌وه‌گ پويل ئيرانى قيمه‌تى نه‌مه‌ندگه‌ دوياى له‌ وه‌ختيگه‌و بانكه‌يل عراقى بڕيار سزايه‌يل ئه‌مريكى جيوه‌جى ئه‌كه‌ن.  

 

له‌ى باوه‌تيشه‌و، ئابووريناسه‌يل عراقى ئى داوه‌زين بردنه‌و ئه‌را ئه‌وه‌گ بازرگانه‌يل ئيرانى له‌ڕێ وه‌كيله‌يليان له‌ عراق كه‌فتنه‌سه‌ سه‌ندن دۆلار له‌ بازاڕه‌يل عراقى ئه‌را روێ وه‌ڕوێ بوينه‌وه‌ى سزايه‌يل ئه‌مريكى.

 

وه‌ل ئه‌وه‌يشا شاره‌زايه‌يل عراق داوا له‌ حكومه‌ت عراقى ئه‌كه‌ن گامه‌يل گورج بنه‌ێد ئه‌را نواگيرى له‌ داوه‌زين پويل عراقى و روێ وه‌ڕوێ بوينه‌وه‌ى شيوازه‌يليگ ك تاريفى وه‌ چه‌په‌ڵ ئه‌كه‌ن ئه‌را زه‌ره‌د ره‌سانن وه‌ ئابوورى عراقى.