هــــه‌واڵ كــوردى
بارزانى وته‌يگ ئاراسته‌ێ شه‌ش پايته‌خت كرد وه‌تايبه‌ت به‌غدا

بارزانى وته‌يگ ئاراسته‌ێ شه‌ش پايته‌خت كرد وه‌تايبه‌ت به‌غدا


شه‌فه‌ق نيوز/ مه‌سعود بارزانى سه‌رۆك هه‌رێم كوردستان له‌ڕێ رووژنامه‌ێ ئه‌لئه‌هرام مسريه‌و وته‌يگ ئاراسته‌ێ شه‌ش وڵات كرد له‌ ناونيانيش عراق.

 

رووژنامه‌گه‌ له‌ كووتايى ديداره‌گه‌ داوا له‌ بارزانى كرد وته‌ ئه‌را ئى پايته‌خته‌يله‌ ئاراسته‌ بكا وه‌ى جووره‌:

 

ئه‌و وته‌يله‌ چه‌ن ك ئه‌خوازن ئاراسته‌ێ بكه‌ن ئه‌را هه‌ر يه‌ك له‌ى پايته‌حته‌يله‌:

ئه‌را به‌غدا؟

بارزانى " له‌ شه‌راكه‌ت شكه‌ست خوارديم.. بيلنه‌مان جوور هاوسايگ هاوپه‌يمان بويمن".

 

ئه‌را ئه‌نقه‌ره‌؟

بارزانى " كوردستان خاسره‌ێ راحه‌ت و ئاسايشيدانه‌".

 

ئه‌را ديمه‌شق؟

بارزانى "حورمه‌ت هه‌ڵبژارده‌يل ملله‌ت سوورى ئه‌گريم و ناكووكێ له‌ ناونيمان نيه‌".

 

ئه‌را شانشين عه‌ره‌بى سعودێ

بارزانى "ملله‌ت و حكومه‌ت و شا دووسمانن و په‌يوه‌نديه‌يل بته‌ويگ وه‌ليانا ديريم".

 

ئه‌را ته‌هران؟

بارزانى "هه‌ڵويستيان له‌ هويرمان ناچێد له‌وه‌خت په‌لاماره‌يل داعش ئه‌را بان كوردستان، ك يه‌كه‌م ده‌وڵه‌تيگ ئيران بوى وه‌لمانا وسياو پشتگيريمان كرد".

 

ئه‌را قاهيره‌؟

بارزانى "په‌يوه‌نديمان وه‌ل قاهيره‌ مێژووييه‌ و هه‌ناێ ك بارزانى نه‌مر له‌ مۆسكۆ له‌ ساڵ 1958 ئه‌را به‌غدا گله‌وخوارد له‌ڕێ قاهيره‌ گله‌وخوارد و چه‌وێ كه‌فته‌ عه‌بدولناسر له‌و وه‌خته‌يله‌.