هــــه‌واڵ عــیراق
دبلۆماتكاريگ: گشت كه‌سيگ زانستياد سه‌دام چه‌ك كيمياوى نه‌يرێد

دبلۆماتكاريگ: گشت كه‌سيگ زانستياد سه‌دام چه‌ك كيمياوى نه‌يرێد


شه‌فه‌ق نيوز/ گشت ساڵيگ له‌وه‌خت ساڵياد داگيركارى ئه‌مريكى له‌ عراق، خوسيه‌ بوستانى ناچاره‌ مامڵه‌ وه‌ل شه‌پۆله‌يل ناڕه‌حه‌تى و دڵته‌نگى بكا ك ئه‌ياده‌ تويشى و ماوه‌ى پانزه‌ ساڵه‌ ئى دبلۆماتكار به‌رازيليه‌ باوه‌ڕى ئه‌وه‌يه‌ تويه‌نستياد ده‌سميه‌تكار بدێ ئه‌را دويرخستن داگيركارى بيهووده‌ى عراق و روێداگه‌يل رخه‌وبه‌رى.

 

بوستانى يه‌كه‌م وه‌ڕيه‌وبه‌ر گشتى ريكخرياگ قه‌يه‌غه‌ى چه‌ك كيماوى بوى ك ريكخرياگيگ حكومى و ساڵ 1997 دامه‌زريا ئه‌را ئه‌وه‌گ سه‌رپه‌رشى له‌بان بنبڕكردن ئى چه‌كه‌يله‌ بكا.

 

بوستانى ئه‌را بى بى سى وت: هه‌ر يه‌ك له‌عراق و ليبيا رازى بوينه‌ بانه‌ ناو ريككه‌فتن و بايه‌سه‌ وشكانن روێ بياتاد له‌ساڵ 2002، وه‌لێ ئه‌مريكيه‌يل تويڕه‌ بوين و رى وه‌ وشكاننكاره‌يل ريكخرياگ قه‌يه‌غه‌ى چه‌ك كيمياوى دريا بانه‌ ناو عراقه‌و، ئه‌وه‌ بوى چه‌ك كيمياوى نه‌دوينرياوه‌و گشت كه‌سيگ زانستياد سه‌دام چه‌ك كيمياوى نه‌يرێد، وه‌لێ ئه‌مريكيه‌يل هه‌ر تواسيان عراق داگير بكه‌ن وه‌لێ وشكاننه‌گه‌ دژ وه‌ به‌رژه‌وه‌نديه‌يليان بوى و هه‌ر وه‌و خاتريشه‌ هه‌ر يه‌ك له‌ ئه‌مريكاو بريتانيا تومه‌تبار رژيم سه‌دام كردن وه‌ ئه‌وه‌گ چه‌ك جه‌مكوش خه‌زن كردگه‌و يه‌يش كردنه‌ مه‌هانه‌يگ ئه‌را داگيركارى عراق له‌ 2003.