هــــه‌واڵ عــیراق
كوه‌يت 100 مليۆن دۆلار ئه‌را دامه‌زرانن ناوه‌ند ته‌ندروسێ له‌ عراق ته‌رخانكرد

كوه‌يت 100 مليۆن دۆلار ئه‌را دامه‌زرانن ناوه‌ند ته‌ندروسێ له‌ عراق ته‌رخانكرد


شه‌فه‌ق نيوز/ به‌رنامه‌ێ هه‌ڵه‌په‌ڵه‌ێ سه‌ندووق ته‌نميه‌ێ كوه‌يتى 100 مليۆن دۆلار ئه‌را دامه‌زرانن ناوه‌نده‌يل ته‌ندروسى له‌ هه‌يشت پاريزگاێ عراقى ته‌رخانكرد، يه‌يش له‌ وه‌ختيگ وزاره‌ت په‌روه‌رده‌ له‌ پويل ته‌رخانكرياێ كوه‌يتى 23 خوه‌ندنگاێ جيوه‌جيكرياێ واز كرد.

 

سالم غه‌ساب ئه‌لزمنان باڵوێز كوه‌يتى له‌ وه‌خ وازكردن خوه‌ندنگايگ له‌ به‌غدا وت: سه‌ندووق ته‌نميه‌ى كوه‌يتى كار له‌بان پيشكه‌شكردن پشتگيرى ئه‌را عراق ئه‌كا له‌ڕێ جيوه‌جيكردن پرووژه‌يل هه‌ڵه‌په‌ڵه‌و ئاشكراێ ته‌رخانكردن 100 مليۆن دۆلاريش كرد له‌لايه‌ن وڵاته‌گه‌يه‌و ئه‌را دامه‌زرانن ناوه‌نده‌يل ته‌ندروسى.

 

جى باسه‌، ئه‌لزمنان هه‌ميش وت: ئه‌و ناوه‌نده‌يل ته‌ندروسيه‌ له‌ هه‌يشت پاريزگاێ عراقى جيوه‌جى ئه‌كريه‌ن و له‌ وه‌رجه‌ گشتتيانيش ئه‌و پاريزگايه‌يله‌ ك زه‌ره‌د فيشتر دينه‌ له‌ كرده‌وه‌يل ترۆريستى.