هــــه‌واڵ عــیراق
سه‌رچه‌وه‌يليگ: ئيران سه‌رپه‌رشى پلانيگ ئه‌كا له‌ عراق و عبادى سنيه‌يل پشتگووش خستگه‌

سه‌رچه‌وه‌يليگ: ئيران سه‌رپه‌رشى پلانيگ ئه‌كا له‌ عراق و عبادى سنيه‌يل پشتگووش خستگه‌


شه‌فه‌ق نيوز/ هيزه‌يل سنى عراقى تومه‌تبار ئيران كردن وه‌ چه‌سپانن ديد و نوڕستنى له‌بان عراق له‌ مه‌سه‌له‌ێ ئه‌نجامداين هه‌ڵوژاردنه‌يل په‌رله‌مانى له‌ مانگ ئايار ئاينده‌ و له‌ هه‌مان وه‌خت وشدارييش دان له‌ ئه‌نجامداين ئى هه‌ڵوژاردنه‌يله‌ له‌ساى بارودوخ ئيسه‌ وه‌ ئه‌وه‌گ شيرازه‌ى پيكهاته‌يى مه‌ردمى له‌ به‌رژه‌وه‌ندى پرووژه‌ى ئيرانى ئاڵشت ئه‌كا.

 

له‌ى باوه‌ته‌و، رووژنامه‌ى "عه‌كاز" سعودى له‌ شماره‌ى ئمڕووى له‌ زووان ئه‌و سه‌رچه‌وه‌يله‌ وت: فراكسيۆن سنى له‌ په‌رله‌مان ياداشتيگ ئاماده‌ كردگه‌ ئه‌را حه‌يده‌ر عبادى سه‌رۆك وه‌زيره‌يل و له‌تى باس له‌ مه‌ترسيه‌يل ئه‌نجامداين هه‌ڵوژاردنه‌يل كردگه‌ له‌ واده‌ى دياريكرياگێ.

 

ئه‌و سه‌رچه‌وه‌يله‌ پيشبينى يه‌يش كردنه‌ عبادى جواو داواكاريه‌يل هيزه‌يل سنى نه‌يه‌يده‌و له‌باره‌ى دوياخستن هه‌ڵوژاردنه‌يل تا وه‌خت كووتاييهاتن كيشه‌ى كووچبه‌ره‌يل و هاوردنه‌وه‌يان ئه‌را شوون و ماواى خوه‌يان.