هــــه‌واڵ عــیراق
واشنتۆن ئه‌را يه‌كه‌مجاره‌ هه‌ڕه‌شه‌ له‌ به‌غدا ئه‌كا

واشنتۆن ئه‌را يه‌كه‌مجاره‌ هه‌ڕه‌شه‌ له‌ به‌غدا ئه‌كا


شه‌فه‌ق نيوز/ رووژنامه‌ى عه‌كاز سعودى له‌ شماره‌ى ئمڕووى ئاشكراى ئه‌وه‌ كرد ك وڵاته‌يل يه‌كگرتگ ئه‌مريكا هه‌ڕه‌شه‌ى وه‌كارهاوردن هووكاره‌يل له‌وه‌رده‌س كرد دژ هه‌ر لايه‌نيگ هه‌وڵ گرتنه‌ ئامانج بنگه‌ى عه‌ينولئه‌سه‌د بيه‌ێد ك هيزه‌يل سه‌ربازيه‌گه‌ێ له‌ عراق له‌تى وجوود ديرێد و وه‌رپرسيارێتييش خسته‌سه‌ بان هه‌ر يه‌ك له‌ به‌غدا و ته‌هران ئه‌را وه‌ئامانجگرتنى راسه‌وخۆ  وه‌ مووشه‌ك ئيرانى.

 

وه‌ گووره‌ى رووژنامه‌گه‌ ئه‌وه‌ ده‌ركه‌فت ك ئى نامه‌ى ئه‌مريكيه‌ ره‌سيه‌سه‌ حكومه‌ت عراقى و راسه‌وخۆ هه‌ڕه‌شه‌س له‌ باره‌ى ئه‌گه‌ره‌يل جيوه‌جى نه‌كردن خواسته‌يل ئه‌مريكى ك داوا ئه‌كا چه‌ك له‌ فه‌سيله‌يل عراقى سه‌ر وه‌ئيران بكيشيه‌ێده‌وه‌و ئاماژه‌ وه‌يه‌يش كردگه‌ ك كه‌مته‌رخه‌مى به‌غدا له‌و كاره‌ رێ ئه‌را هه‌وڵ په‌لامارداين بنگه‌ى عه‌ينولئه‌سه‌د خوه‌ش ئه‌كا.

 

رووژنامه‌گه‌ له‌ زووان سه‌رچه‌وه‌يليگ له‌ ديوان سه‌رۆكايه‌تى حكومه‌ت عراقى وت: سه‌رۆكايه‌تى ئه‌مريكا هه‌ڕه‌شه‌يل جددێ كردگه‌و ئه‌را يه‌كه‌مجاره‌ هه‌ڕه‌شه‌ له‌ به‌غدا ئه‌كا ك سه‌ۆكه‌گه‌ى داواى چه‌سپانن چه‌ودێرى كرد له‌ ده‌ورگرد بنگه‌ى عه‌ينولئه‌سه‌د وه‌ دريژايى 24 سه‌عات.