هــــه‌واڵ كــوردى
ئافره‌ته‌يل كورد وه‌ پرووژه‌يگ جيا زاڵ بوونه‌ بان سه‌ختيه‌يل ژيان

ئافره‌ته‌يل كورد وه‌ پرووژه‌يگ جيا زاڵ بوونه‌ بان سه‌ختيه‌يل ژيان


شه‌فه‌ق نيوز/ سێ خوه‌يشگ كورد دوياى سه‌ختيه‌يل فريه‌يگ ئابوورى ك هاته‌سه‌ تويش هه‌رێم كوردستان عراق هوير له‌ ده‌يشت سه‌ندووق كردن و ده‌س له‌ وه‌زيفه‌يليان كيشانه‌و له‌ وزاره‌ت گه‌شتيارى له‌ حكومه‌ت هه‌رێم و له‌ سه‌ره‌تا ئاشخانه‌يگ دامه‌زرانن ئه‌را فرووشتن خوارده‌مه‌نى گورج و خوه‌راكه‌يل سووك، وه‌لێ دوياى 6 مانگ ده‌سكردنه‌ هوير له‌ پرووژه‌يگ كردن كردن ئاشخانه‌ى گه‌ورايگ وازكردن وه‌ناو"ئاشخانه‌ى سێ خوه‌يشگ"، ئى ئاشخانه‌ جيا له‌ ئاشخانه‌يل تر، ك له‌تى خوارده‌مه‌نيه‌يل كورده‌وارى پيشكه‌ش ئه‌كريه‌ێد له‌ شار سلێمانى ئه‌راماوه‌ى دو مانگه‌و ته‌نيا خوه‌يان له‌تى كار ئه‌كه‌ن.

 

يه‌يش يه‌كه‌مين ئاشخانه‌يگه‌ له‌ى شيوه‌ ك ئافره‌ت دايناگه‌و و كار له‌تى ئه‌كه‌ن له‌ ناوچه‌يگ كوردستانى و ئه‌و هه‌رسي خوه‌يشگه‌ فيشتر له‌ 20 وه‌جبه‌ى خوه‌راك ماڵى له‌تى پيشكه‌ش ئه‌كه‌ن رووژانه‌، ئمجا له‌وه‌خت نانخواردن مه‌ردم وه‌ ڕزه‌و وسيه‌ن له‌ ده‌روه‌چه‌ى ئاشخانه‌گه‌ ئه‌را سه‌ندن وه‌جبه‌ى خوه‌راك گه‌رم.

 

سه‌يران ره‌ئوف عوبێد(33 ساڵان) له‌بان ئه‌و ئه‌زموون جيا ئه‌را ئاژانس روێته‌رز وت: له‌وه‌ر بار سه‌خت ئابوورى له‌ هه‌رێم كوردستان واز له‌ وه‌زيفه‌يلمان له‌ حكومه‌ت هاورديم و ئى ئاشخانه‌ واز كرديم ك نزيكه‌ى 20 جووره‌ خوه‌راك خوه‌رهه‌ڵاتى له‌تى پيشكه‌ش ئه‌كريه‌ێد.

 

محه‌مه‌د كه‌ريم (63 ساڵان)ك سه‌ردان ئه‌و ئاشخانه‌ ئه‌كا، وه‌ ته‌مامى سه‌رسام بويه‌ وه‌ پرووژه‌ى ئه‌و هه‌رسێ خوه‌يشگه‌و هه‌ميشه‌ هانيان ئه‌ياد، يه‌يش له‌وه‌ختيگ ئه‌و هه‌رسي خوه‌يگيشه‌ ئوميده‌وارن ئافره‌ته‌يل تر چه‌و له‌ليان بووڕن و بتويه‌نن پروووژه‌يل هاوشيوه‌ى پرووژه‌گه‌يان واز بكه‌ن.

 

وه‌ل ئه‌وه‌يشا ده‌رفه‌ت كاريش ئه‌را ئافره‌ته‌يل تر بيجگه‌ خوه‌يان نيه‌ له‌ "ئاشخانه‌ى سێ خوه‌يشگ".

 

ئاواز حه‌سان(38 ساڵان)شه‌ريك و دامه‌زرنه‌ر له‌و ئاشخانه‌، ئويشێد: فريه‌ دووس كاره‌گه‌م ديرم و داوا له‌ گشت ئافره‌ته‌يل تر ئه‌كه‌م ده‌س بكه‌نه‌ وازكردن پرووژه‌يل و من هانيان ئه‌يه‌م ئه‌را ئيچنه‌ كاره‌يليگ و جياوازى له‌ناونى ژن و پياو نيه‌و شه‌رم مه‌كه‌ن ئه‌ى ئافره‌ته‌يل و با شان وه‌شان پياوه‌يل ده‌س بكه‌يمنه‌ كار.

 

جى باسه‌، ئه‌و ئاشخانه‌ رووژانه‌ خزمه‌ت وه‌ نزيكه‌ى 100 سه‌ردانيكه‌ر ئه‌كا له‌ناونى سه‌عات 8 شه‌وه‌كى تا هه‌يشت ئيواره‌ وه‌ وه‌جبه‌يل خوه‌راك ك نرخيان ها ناونى 3000 تا 10000 دينار عراقى.