هــــه‌واڵ عــیراق
به‌سره‌ ترس له‌ پرووژه‌يگ ديرێد بدێده‌ هووكار كيشمه‌كيش چه‌كدارێ

به‌سره‌ ترس له‌ پرووژه‌يگ ديرێد بدێده‌ هووكار كيشمه‌كيش چه‌كدارێ


شه‌فه‌ق نيوز/ سياسيه‌يل و په‌رله‌مانتاره‌يل له‌بان پاريزگاى به‌سره‌ له‌ باشوور عراق، هه‌وڵ وه‌گرتن ده‌سڵاته‌يل و مافه‌يل مه‌ده‌نى زياتريگ ئه‌يه‌ن ئه‌را شاره‌گه‌ ك گه‌وراترين به‌رهه‌م نه‌فتى له‌تيه‌و سه‌رچه‌وه‌ ئه‌گرێد.

 

عه‌لى كه‌عبى ئه‌ندام له‌ هاوپه‌يمانى مه‌ده‌نى به‌سره‌ ئه‌را عه‌ره‌بى جديد وت: بارودوخه‌گه‌ له‌يوا ئه‌خوازێد مووڵه‌ت وه‌ بدريه‌ێد حكومه‌ت عادل عه‌بدولمهدى ئه‌را جيوه‌جيكردن داواكاريه‌يل به‌سره‌، ئه‌ويش دوياى ده‌ركه‌فتن درووه‌يل حكومه‌ت وه‌رين حه‌يده‌ر عه‌بادى و جيوه‌جى نه‌كردن هويچ قه‌وڵه‌يليگ جوور ته‌رخانكردن 40 هه‌زار پله‌ى وه‌زيفى و چه‌سپانن ريژه‌ى وه‌كارخستن له‌ كومپانيايه‌يل نه‌فت و ته‌رخانكردن 3،5 ترليۆن دينار و بنياتناين ويستگه‌يل شرينكردنه‌وه‌ى ئاو و خزمه‌تگوزاريه‌يل تر.

 

جى باسه‌، كه‌عبى هه‌ميش وت: له‌ حاڵه‌تيگ ئه‌گه‌ر به‌سره‌ ده‌سڵات فراوان وه‌رگرت يا بويه‌ هه‌رێم، ئه‌وه‌ ماناى ئه‌وه‌سه‌ ئى مه‌سه‌له‌ كيشمه‌كيش سياسى و ناكووكى چه‌كدارى دروس ئه‌كا له‌ساى وجوود ميليشيايه‌يل له‌ياسا ده‌رچگ و عه‌شايريش بڕ فره‌يگ چه‌ك ديرن و حزبه‌يليش جيوه‌جيكارن، ك وه‌و خاتريشه‌ خاستر ئه‌وه‌سه‌ مافه‌يل سياسى خوه‌ى وه‌ربگرێد تا بتويه‌نێد فشار بخاده‌ بان به‌غدا ئه‌را مافه‌يلى.