هــــه‌واڵ كــوردى
وه‌ وێنه‌.. دوينستنه‌وه‌ى پاشمه‌نده‌ى قه‌ڵايگ مێژوويى له‌ كوردستان توركيا

وه‌ وێنه‌.. دوينستنه‌وه‌ى پاشمه‌نده‌ى قه‌ڵايگ مێژوويى له‌ كوردستان توركيا


شه‌فه‌ق نيوز/ تيميگ ئه‌كاديمى توركى پاشمه‌نده‌يگ ميژوويى په‌يا كرد ك مێژوويى ئه‌چێده‌و ئه‌را سه‌رده‌م شانشينى ئۆرارتۆ(824- 727 و ز)، ئه‌ويش له‌ قويلايى ده‌رياچه‌ى وان له‌ ولايه‌ت بتليس له‌ كوردستان توركيا.

 

له‌ى باوه‌ته‌و، مسته‌فا ئاق قوش ئه‌كاديمى له‌ زانكۆى "يوزونجو يل وان" ئه‌وه‌ ده‌رخست ك خه‌ريك شيه‌وكردنه‌يل ئه‌كاديميانه‌ بوينه‌ له‌ ناوچه‌گه‌ وه‌ هاوكار وه‌ل قايمقاميه‌ت شار عادل جواز له‌ ولايه‌ت بتليس له‌ كوردستان توركياو پاشمه‌نده‌ى قه‌ڵايگ مێژوويى دينه‌سه‌و له‌ وه‌ختيگ گه‌ردينه‌سه‌ ناو ده‌رياچه‌ى وان و ئاماژه‌ وه‌يه‌يش كرد ك مێژوو ده‌رياچه‌ى وان نزيكه‌ى 6 هه‌زار ساڵه‌ و ژياره‌يل جياجيايگ له‌ كنارى وه‌ گووره‌ى مێژوو نيشته‌جى بوينه‌.

 

جى باسه‌، له‌لايه‌ن خوه‌ييشه‌و، عارف قاره‌مان قايمقام شار عادل حواز وت: ئى قه‌ڵا ئه‌چێده‌و ئه‌را سه‌ه‌رده‌م شانشين ئۆرارتۆ و ته‌مه‌ن ئى پاشمه‌نده‌يشه‌ ك دوينرياسه‌و نزيكه‌ى 3 هه‌زار ساڵه‌.