هــــه‌واڵ عــیراق
رافده‌ين ئاشكراى هه‌واڵيگ كرد له‌باره‌ى سلفه‌ ئه‌را كارمه‌نده‌يل په‌روه‌رده‌

رافده‌ين ئاشكراى هه‌واڵيگ كرد له‌باره‌ى سلفه‌ ئه‌را كارمه‌نده‌يل په‌روه‌رده‌


شه‌فه‌ق نيوز/ بانك رافده‌ين، ئاشكراى به‌رزه‌وكردن ئه‌و ناوه‌يله‌ كرد ك ئه‌كه‌فنه‌ وه‌ر وه‌رگرتن سلفه‌ى په‌نج مليۆن دينار ئه‌را كارمه‌نده‌يل وزاره‌ت په‌روه‌رده‌ و داين ئه‌و سلفه‌ وه‌پيان وه‌شيوه‌يگ وه‌جبه‌يل.

 

له‌ى باوه‌ته‌و، نوسينگه‌ى ره‌سانن بانك رافده‌ين له‌ به‌ياننامه‌يگ ئه‌را شه‌فه‌ق نيوز وت: ميكانيزم پيشكه‌شكردن ئه‌را سلفه‌ له‌ڕێ رابتيگ دياريكرياگ ئه‌دێ ك دوياى ئه‌وه‌گ بچێده‌ ناويه‌و ئه‌و كارمه‌نده‌ ئه‌تويه‌نێد ئستماره‌يگ پڕه‌و بكا تايبه‌ت وه‌ سلفه‌و له‌ئاكام ئه‌وه‌يش نامه‌يگ ئه‌لكترۆنى ئه‌راێ ئه‌ياد و دوياخريش شماريار ده‌زگاگه‌ ئه‌و ئستماره‌يله‌ گرده‌و ئه‌كا له‌وه‌ر وه‌رگرتن ئمزا و موور په‌نجه‌ێ.

 

جى باسه‌، به‌ياننامه‌گه‌ هه‌ميش وت: دوياى ئى گامه‌ شماريار ده‌زگاگه‌ ره‌زامه‌نى ئه‌ياده‌ داخڵكردن ئه‌و داوايه‌يل ئه‌لكترۆنيه‌ ئه‌را سيستم شريت و بانكه‌گه‌يش وه‌ ريككفه‌تن وه‌ليا ده‌س ئه‌كاده‌ كيشانن ئه‌و داواكاريه‌يله‌و به‌رزيه‌و ئه‌كا ئه‌را داين ئه‌و بڕه‌ سلفه‌ وه‌شيوه‌يگ ئه‌لكترۆنى.