هــــه‌واڵ عــیراق
سيستانى له‌باره‌ى عراق و ئيران و داواكارێ ئابوورى ئه‌را حه‌شد رينمايى دا

سيستانى له‌باره‌ى عراق و ئيران و داواكارێ ئابوورى ئه‌را حه‌شد  رينمايى دا


شه‌فه‌ق نيوز/ سه‌يد عه‌لى سيستانى مه‌رجه‌ع باڵاى ئايينى له‌ عراق, جاريگتر به‌شداريكردن پياوه‌يل ئايينى له‌ سياسه‌ت يا وه‌رگرتن هه‌ر پۆستيگ جيوه‌جيكار له‌ حكومه‌ت ره‌ته‌وكرد و داوايش له‌ حه‌شد شه‌عبى كرد دوير بگرێد له‌ مه‌شق چالاكى ئابوورى.

 

له‌ى باوه‌ته‌و، جوور ئه‌وه‌گ حه‌سه‌ن ئه‌سه‌دى زه‌يد ئابادى سه‌رنويسه‌ر گۆڤار "هه‌ق ئه‌لئومه‌ى" ئيرانى باس له‌لێ كردگه‌, رينمايه‌يل سيستانى له‌وه‌خت پيشوازيكردنى بويه‌ له‌ شماره‌يگ له‌ زانيايه‌يل حه‌وزه‌ له‌ شار قوم ئيرانى.

 

ئابادى ك توێژه‌ره‌ له‌ مافه‌يل ئاده‌ميزاد و ياساى ناوده‌وڵه‌تى, له‌ڕێ توێته‌ر نويساگه‌: سيستانى له‌ وه‌خت ديدارى داوا له‌ زانايه‌يل ئايينى له‌ عراق كردگه‌ نه‌چنه‌ ناو سياسه‌ت و له‌حاڵه‌تيگيش ئه‌گه‌ر به‌شدارى له‌ حكومه‌ت كردن بايه‌سه‌ له‌بانيان دڵنگ زانايه‌يل ئايينى له‌وه‌ر بكه‌نن.

 

ئابدى وت: سيستانى داوايش له‌ فه‌سيله‌يل حه‌شد شه‌عبى كردگه‌ مه‌شق هويچ چالاكييگ ئابوورێ نه‌كه‌ن له‌ وڵاته‌گه‌و ئاماژه‌ وه‌يه‌يش كرد ك سيستانى نگه‌رانى خوه‌يشى ده‌رخستگه‌ له‌ گوزران هاووڵاتيه‌يل ئيرانى له‌ى بارودوخ ئيسه‌.