هــــه‌واڵ جیــهانى
ئسرائيل و روسيا ريككه‌فتنيگ ژير وه‌ژير دژ ئيران ئه‌نجام دان

ئسرائيل و روسيا ريككه‌فتنيگ ژير وه‌ژير دژ ئيران ئه‌نجام دان


شه‌فه‌ق نيوز/ له‌ى وه‌خته‌يل پڕ مه‌ترسيه‌ له‌باره‌ى په‌ره‌سه‌ندن جموجويله‌يل سه‌ربازێ له‌ناونى ئسرائيل و ئيران ئه‌را جه‌نگيگ گشتير و له‌ئاكام ئه‌و روێداگه‌يله‌ ك له‌ناو خاكه‌يل سووريه‌و كه‌فته‌و، راپۆرته‌يل ئسرائيلى باس له‌ ريككه‌فتنيگ ئه‌كه‌ن ك شايه‌ت گرژى ناونى هه‌ردوگ وڵات ئارامه‌و بكا.

 

له‌ى باوه‌ته‌و رووژنامه‌ى "تايمز ئۆف ئسرائيل" له‌ زووان ته‌له‌فزيۆن ئسرائيليه‌و وت: ئسرائيل ره‌سيه‌سه‌ ريككه‌فتنيگ ژير وه‌ژير وه‌ل روسيا ئه‌را هيشتنه‌وه‌ى هيزه‌يل ئيرانى ك وجوود ديرن له‌ سوريا دورير له‌ مه‌رزه‌يل ئسرائيلى.

 

رووژنامه‌گه‌ وت: ئسرائيل رازێ ئه‌دێ وه‌ هاتنه‌وه‌ى هيزه‌يل رژيم سوورى ئه‌را مه‌رز له‌بان به‌رزايه‌يل جۆلان له‌ وه‌رانوه‌ر زه‌مانه‌ته‌يليگ رووسى وه‌ ئه‌وه‌گ هويچ هيزيگ ئيرانى يا ميليشيايه‌يل سه‌ر وه‌ حزبوڵڵاى لوبنانى له‌ ناوچه‌گه‌ وجوود نه‌ياشتوون.