هــــه‌واڵ عــیراق
حه‌لبوسى له‌وه‌ر يه‌ك هووكار سه‌ردان عه‌مان كردگه‌و سه‌ردانه‌گه‌يشى نافه‌رميه‌

حه‌لبوسى له‌وه‌ر يه‌ك هووكار سه‌ردان عه‌مان كردگه‌و سه‌ردانه‌گه‌يشى نافه‌رميه‌


شه‌فه‌ق نيوز/ محه‌مه‌د سه‌لمان قسه‌كه‌ر وه‌ناو سه‌رۆك ئه‌نجومه‌ن نوێنه‌ره‌يل عراق، ئه‌وه‌ ده‌رخست ك سه‌ردانه‌گه‌ى محه‌مه‌د حه‌لبوسى سه‌رۆك په‌رله‌مان نافه‌رمى و ئاشكرايش نه‌كرياگه‌.

 

سه‌لمان ئه‌را شه‌فه‌ق نيوز، وت: حه‌لبوسى وه‌ سه‌ردانيگ خيزانى چيه‌سه‌ عه‌مان نه‌ك سه‌ردانيگ فه‌رمى و دانيشتن په‌رله‌مان دوياخستگه‌ ئه‌را 6 ئى مانگه‌ى تر و ئى سه‌ردانيشه‌ له‌چوارچێوه‌ى پشووه‌گه‌يه‌.

 

سه‌لمان باس له‌وه‌يش كرد سه‌ردانه‌گه‌ى حه‌لبوسى خيزانيه‌و دويريش نيه‌ له‌ى سه‌ردانيشه‌ چه‌وێ بكه‌فێده‌ بڕيگ له‌ وه‌رپرسه‌يل له‌ ئوردن، وه‌لێ ئامانج سه‌ردانه‌گه‌ خيزانيه‌.