هــــه‌واڵ كــوردى
دارايى نوێنه‌رايه‌تى جموجويليگ وه‌رچه‌و له‌ كوردستان ئاشكرا كرد

دارايى نوێنه‌رايه‌تى جموجويليگ وه‌رچه‌و له‌ كوردستان ئاشكرا كرد


شه‌فه‌ق نيوز/ عزه‌ت سابير ئه‌ندام ليژنه‌ى دارايى له‌ په‌رله‌مان هه‌رێم كوردستان، ئاشكراى ئه‌وه‌ كرد جموجويل بازاڕ له‌ هه‌رێم ئالشتكارى وه‌رچه‌ويگ وه‌خوه‌يه‌و ديه‌ له‌ ماوه‌ى يه‌ك مانگ، ئه‌ويش دوياى ئه‌وه‌گ كارمه‌نده‌يل هه‌رێم مووچه‌يليان وه‌رگرتن، وه‌تايبه‌ت ته‌ندروسى و په‌روه‌رده‌و كه‌مه‌وبوين ريژه‌ى پاشه‌كه‌وت.

 

سابير ئه‌را شه‌فه‌ق نيوز وت: جموجويل و چالاكييگ ئابوورى هه‌س له‌ هه‌رێم له‌ڕوێ سه‌ندن و گه‌شت و چالاككردن بازاڕ و مامڵه‌يل بازرگانى و داينه‌وه‌ى قه‌رزه‌يل، ئه‌ويش دوياى ناجموجويلييگ ئه‌را ماوه‌ى نزيكه‌ى دو ساڵ.

 

جى باسه‌، سابير هه‌ميش وت: ريژه‌ى پاشه‌كه‌وت له‌ به‌رزترين ئاسته‌وه‌ 30 % داوه‌زيه‌ ئه‌را كه‌مترين ئاست ك فيشتر له‌ 10% نيه‌و يه‌يش به‌شداره‌ له‌ زيايبوين نزيكه‌ى 110 مليار دينار جه‌م مووچه‌يل.