هونه‌ر
لانە زەنگەنە "جوانیەگه‌د" بڵاو ئه‌كا

لانە زەنگەنە "جوانیەگه‌د" بڵاو ئه‌كا


شه‌فه‌ق نيوز/ لانە له‌ لاپه‌ڕه‌ێ تايبه‌ت خوه‌ى له‌ "ئنستگرام" تازه‌ترين زانيارى له‌باره‌ى گورانيه‌گه‌ى وه‌ناونيشان "جوانیەگه‌د" بڵاو كردگه‌و وه‌ ئه‌وه‌گ هێمن حه‌ميد تێكست گورانيه‌گه‌ نويساگه‌و ئاگرين دڵشاد ئاوازه‌گه‌ى داناگه‌و له‌ هه‌ولێر تۆمار كرياگه‌.

 

لانه‌ هويچ زانيارييگ له‌باره‌ى ئه‌وه‌گ گورانيه‌گه‌ى وه‌شيوه‌ى ڤيديۆ كلێپ يا ته‌نيا وه‌شيوه‌ى ده‌نگ بڵاو نه‌كرد، وه‌لێ بڕياره‌ گورانيه‌گه‌ وه‌شيوه‌ى كليپ بڵاو بكريه‌ێد.

 

جى باسه‌، ئى خانمه‌ گورانيچڕه‌ خه‌ڵك شار كه‌ركوكه‌و له‌ ئۆرپا ژيه‌ێد و خاوه‌ن باوه‌ڕنامه‌ى ماسته‌ره‌ له‌كارگێڕێ كار و ساڵ گوزه‌يشت كومپانيايگ هونه‌رى دامه‌زرانگه‌.