هــــه‌واڵ عــیراق
100 زه‌ويه‌له‌رزه‌ێ تر له‌ عراق روێدا

100 زه‌ويه‌له‌رزه‌ێ تر له‌ عراق روێدا


شه‌فه‌ق نيوز/ به‌ش چه‌ودێرى زه‌ويه‌له‌رزه‌ له‌ ده‌زگاى كه‌شناسى، ئاكراى روێداين 100 زه‌ويه‌له‌رزه‌ى دوباره‌كرياێ تر كرد دوياى زه‌ويه‌له‌رزه‌گه‌ێ دويه‌كه‌ وه‌ پله‌يل جياجيا.

 

له‌ى باوه‌ته‌و، هودا عه‌باس وه‌ڕيه‌وبه‌ر به‌شه‌گه‌ له‌ كۆنگره‌يگ رووژنامه‌گه‌رى وت: دويه‌شه‌و چه‌وديره‌يلمان روێداين زه‌ويه‌له‌رزه‌يگ له‌بان مه‌رزه‌يل عراقى ئيرانى وه‌ هيز 7.2 پله‌ى ريخته‌ر تۆمار كردنه‌.

 

عه‌باس وت: ئه‌و زه‌ويه‌له‌رزه‌ نزيكه‌ى 6 كم له‌ ديم خانه‌قينه‌و دوير بويه‌و نزيكه‌ى 200 كم له‌ به‌غداوه‌ دوير بويه‌ و هيزه‌گه‌ى له‌ناونى 2 - 4 پله‌ى ريخته‌ر بويه‌ و ئاماژه‌ وه‌يه‌يش كرد ك زه‌ويه‌له‌رزه‌ زه‌ره‌ده‌يل ماددى و گيانييش له‌لى كه‌فته‌سه‌و بيجگه‌ حاڵه‌ته‌يل شيويان ده‌روينى و يه‌يش ده‌رخست ك دوياى ئه‌وه‌يش 100 زه‌ويه‌له‌رزه‌ى كه‌مهيز تا ئيسه‌ روێداگه‌ له‌شوون زه‌ويه‌له‌رزه‌گه‌ێ دويه‌كه‌.