هــــه‌واڵ عــیراق
نه‌فت پلان ئه‌را زيايكردن هه‌نارده‌ێ به‌نده‌ر ئه‌لعميه‌ دانا

نه‌فت پلان ئه‌را زيايكردن هه‌نارده‌ێ به‌نده‌ر ئه‌لعميه‌ دانا


شه‌فه‌ق نيوز/ كه‌ريم حه‌تاب بريكار وزاره‌ت نه‌فت ئه‌را كاروبار دراوردن ئاشكراى پلانيگ وزاره‌ته‌گه‌ كرد ئه‌را زيايكردن تواناێ هه‌نارده‌كردن نه‌فت به‌نده‌ر نه‌فتى ئه‌لعميه‌ له‌ باشوور عراق ئه‌را فيشتر له‌ يه‌ك مليۆن به‌رميل رووژانه‌.

 

حه‌تاب ئه‌وه‌ ده‌رخست ك حاڵ حازر كومپانياێ نه‌فت به‌سره‌ خه‌ريك ئاماده‌كارى و په‌ره‌داينه‌ وه‌ به‌نده‌ر ئه‌لعميه‌ وه‌ ئامانج زيايكردن وزه‌ هه‌نارده‌كاريه‌گه‌ێ وه‌خاتر ئه‌وه‌گ بڕه‌سنێده‌ ريژه‌ێ فيشتريگ له‌ هه‌نارده‌كردن.

 

حه‌تاب هه‌ميش وت: تواناێ ئيسه‌ێ به‌نده‌ره‌گه‌(250)هه‌زار به‌رميل رووژانه‌س و پلان ئه‌را فراوانكردنى نايمنه‌ وه‌ل زيايكردن ئه‌و ريژه‌، ئه‌ويش له‌دوياێ كووتاييهاتن له‌ پرووژه‌يل په‌ره‌داين ك دريژه‌وكردن لويله‌يل تازه‌و دامه‌زرانن ويستگه‌يليگ ئه‌را فشارداين و خه‌زانه‌يليگ ئه‌گريده‌ خوه‌ێ ئه‌را فيشتر له‌ 600 هه‌زار به‌رميل له‌ ماوه‌ێ ئاينده‌و تا بڕه‌سێده‌ وه‌رده‌وامى هه‌نارده‌كردن فيشتر له‌ يه‌ك مليۆن به‌رميل له‌ ماوه‌ێ ساڵه‌يل ئاينده‌ى كه‌ميگ.