هــــه‌واڵ كــوردى
رووژنامه‌يگ رووسى: سه‌روه‌خوه‌يى كوردستان هه‌مان ئحساس لاى باقى كورد له‌ ده‌وڵه‌ته‌يل هاوسا نه‌يرێد

رووژنامه‌يگ رووسى: سه‌روه‌خوه‌يى كوردستان هه‌مان ئحساس لاى باقى كورد له‌ ده‌وڵه‌ته‌يل هاوسا نه‌يرێد


شه‌فه‌ق نيوز/ كيريل فيرتيايف توێژه‌ر له‌ كه‌رت دراسه‌ته‌يل كورد له‌ ناوه‌ند دراسه‌ێ وڵاته‌يل خوه‌رهه‌ڵات ناوين له‌ په‌يمانگاێ ئه‌لئستشراق ئه‌وه‌ دوه‌ دوير زانست ك سه‌روه‌خوه‌يى هه‌رێم كوردستان له‌ عراق جموجويل بخه‌ێده‌ ئحساس باقى كورد له‌ ده‌وڵه‌ته‌يل هاوسا.

 

رووژنامه‌ێ "نيزافيسيمايا غازيتا" له‌ زووان ئه‌و توێژه‌ وت: زوورم كورده‌يل ده‌نگ ئه‌را به‌رژه‌وه‌ندێ راپرسى ئه‌يه‌ن و باس له‌وه‌يش كرد ك حكومه‌ت به‌غدا ئاماده‌ نيه‌ دگان وه‌ سه‌روه‌خوه‌يى كوردستان بنه‌ێد له‌بان ئاكام راپرسيه‌گه‌.

 

جى باسه‌، فيرتتيايف هه‌ميش وت: كورد گه‌وراترين ملله‌تيگن له‌ جه‌هان وه‌بى ده‌وڵه‌ت و به‌شبه‌شه‌و بوينه‌ له‌ عراق و سوريا و توركيا و ئيران و يه‌يش ده‌رخست ك سه‌روه‌خوه‌يى كورده‌يل عراقى هه‌مان ئحساس له‌لاى باقى كورده‌يل تر له‌ ده‌وڵه‌ته‌يل هاوسا دروس ناكا.