شه‌فه‌ق نيوز/ عاليه‌ نسه‌يف ئه‌ندام له‌بان ئئتلاف ده‌وڵه‌ت ياسا داوا له‌ سه‌رۆكايه‌تى وه‌زيره‌يل و ده‌سه‌ى ده‌سپاكى و دادوه‌رى كرد په‌يجوورى له‌باره‌ى ئه‌و ئاگره‌ واز بكه‌ن ك كه‌فته‌و له‌ ده‌زگاى تۆماركردن كۆمپانياى سه‌ر وه‌ وه‌زاره‌ت بازرگانى و يه‌يش ده‌رخست ك ئامانج له‌و ئاگره‌ له‌ناوبردن دوسيه‌يل و به‌ڵگه‌يل مه‌ترسيداره‌.

نسه‌يف له‌ به‌ياننامه‌يگ وت: ده‌زگاى تۆمار كۆمپانيايه‌يل تويش ئاگركه‌فتنه‌وه‌ى گه‌ورايگ هاتگه‌و له‌ڕێ سێ سه‌ياره‌ى ئاگركوشتنه‌وه‌ كوشياسه‌و، ك دوسيه‌يل كومپانيايه‌يل فريه‌يگ له‌تى بويه‌و له‌وانه‌يش كومپانيايه‌يل گه‌ورايگ ك دوسيه‌ى خه‌ته‌رناك له‌تى بويه‌.

جى باسه‌، نسه‌يف هه‌ميش وت: ئه‌رك حكومه‌ت و ده‌سه‌ى ده‌سپاكى و ده‌سڵات دادوه‌رى ئه‌وه‌سه‌ په‌يجوورى واز بكه‌ن له‌ مه‌سه‌له‌گه‌و خراوترين سزا جيوه‌جى بكريه‌ێد ده‌رهه‌ق هه‌ر كه‌سيگ ئى كاره‌ ئه‌نجام داگه‌.