هــــه‌واڵ عــیراق
سه‌ڵاحه‌دين له‌ دوياى روێداگه‌يل دوجێل وشدارى دا

سه‌ڵاحه‌دين له‌ دوياى روێداگه‌يل دوجێل وشدارى دا


شه‌فه‌ق نيوز/ مه‌لا حه‌سه‌ن ئه‌ندام ئه‌نجومه‌ن پاريزگاى سه‌ڵاحه‌دين وشدارى دا له‌ مه‌ندنه‌وه‌ى هه‌ر باره‌گايگ چه‌كداره‌يل له‌ناو شاره‌يل و ناوه‌ند پاريزگاگه‌.

 

حه‌سه‌ن ئه‌را شه‌فه‌ق نيوز وت: مه‌ندن باره‌گاى چه‌كداره‌يل جى ره‌زامه‌نى خه‌ڵك شاره‌گه‌ نيه‌و له‌ هه‌مان وه‌خ داواى دويره‌وخسانيانيش كرد ئه‌را ده‌يشت شاره‌يل.

 

جى باسه‌، حه‌سه‌ن هه‌ميش وت: بايه‌سه‌ دوسيه‌ى ئه‌منى ته‌نيا وه‌ده‌س هيزه‌يل فه‌رمى بدێ جوور هيزه‌يل سوپاو پۆليس، يه‌يش له‌وه‌ختيگ ك دويه‌كه‌ جه‌نگ له‌ قه‌زاى دوجێل له‌ باكوور به‌غدا روێدا له‌ناونى ئه‌شره‌ت خه‌زره‌ج و هيزه‌يل پۆليس وه‌ پشتگيرى حه‌شد شه‌عبى له‌ئاكام ئه‌وه‌گ رووڵه‌يل ئه‌و ئه‌شره‌ته‌ رێ ناونى به‌غدا - سه‌ڵاحه‌دين بڕين دوياى رفانن دو پياو ماقوڵ له‌ليان له‌وه‌خت گله‌وخواردنيان له‌ ته‌شيعكردن عه‌قيد حسێن ئه‌لفه‌يسه‌ڵ خه‌زرجى له‌ نه‌جه‌ف له‌لايه‌ن بازگه‌يگ درووكانى له‌ باشوور قه‌زاى دوجێل.