هــــه‌واڵ كــوردى
روێداگيگ له‌ دهۆك دو پێشمه‌رگه‌ كرده‌ قوربانى و تومه‌تباريگيش زه‌خمدار بوێ

روێداگيگ له‌ دهۆك دو پێشمه‌رگه‌ كرده‌ قوربانى و تومه‌تباريگيش زه‌خمدار بوێ


شه‌فه‌ق نيوز/ روێداگيگ هاتوچوو ترسناك له‌ نزيك قه‌زاى زاخۆ سه‌ر وه‌ پاريزگاى دهۆك له‌ هه‌رێم كوردسان بويه‌ هووكار گيان له‌ده‌سداين دو پێشمه‌رگه‌، بيجگه‌ زه‌خمداربوين په‌نج كه‌س تر مه‌ده‌نى.

 

ئه‌و روێداگه‌ له‌بان ڕێ سحێلا - دێربوون كه‌فه‌و له‌ئاكام وه‌يه‌كاكيشان دو سه‌ياره‌، يه‌كيگيان پيكاب و ئه‌واكه‌يش هۆنداى سه‌نتافى، ك دو كه‌س له‌تى گيان له‌ده‌سدان و له‌ هيزه‌يل پێشمه‌رگه‌و په‌نج گه‌سيش زه‌خمدار بوين.

 

جى باسه‌، سه‌رچه‌وه‌يگ ئاسايشى ئه‌را شه‌فه‌ق نيوز، وت: يه‌كيگ له‌و سه‌ياره‌يله‌ سه‌ر وه‌ هيزه‌يل ئاسايش زوممار بويه‌ و تومه‌تباريگ له‌ناوى بويه‌ ك هيز ئاسايش تواسگه‌ جيوازى بكا، وه‌لێ له‌و روێداگه‌ ئه‌و تومه‌تباريشه‌‌ زه‌خمدار بويه.