هــــه‌واڵ عــیراق
عراق وه‌ بوونه‌ى كله‌وكردن زووره‌ملێ په‌نابه‌ره‌يلێ هه‌ڵويست خوه‌ى ئاشكرا كرد

عراق وه‌ بوونه‌ى كله‌وكردن زووره‌ملێ په‌نابه‌ره‌يلێ هه‌ڵويست خوه‌ى ئاشكرا كرد


شه‌فه‌ق نيوز/ جاسم محه‌مه‌د جاف وه‌زير كووچ و كووچبه‌ره‌يل داوا له‌ ده‌وڵه‌ته‌يل يه‌كێتى ئۆرپا كرد مقه‌يه‌تى لايه‌ن ئنسانى بكه‌ن له‌ مامڵه‌كردن وه‌ل دوسيه‌ى په‌نابه‌ره‌يل عراقى له‌ وڵاته‌يليان و جه‌خت له‌بان ره‌ته‌وكردن حكومه‌ت و وزاره‌ته‌گه‌يش كرد له‌ مه‌سه‌له‌ى كله‌وكردن زووره‌ملى په‌نابه‌ره‌يل عراقى.

 

جاف له‌ ديدارى وه‌ل هاينز بيته‌ر لينز باڵوێز سويسرى ناجيگير له‌ به‌غدا باس له‌وه‌ كرد و وت: جى داخه‌ بڕيگ له‌ ده‌وڵه‌ته‌يل رى وشوون سه‌خت وه‌رانوه‌ر دوسيه‌ى په‌نابه‌ره‌يل عراقى ئه‌گرنه‌ وه‌ر و وه‌ زووه‌ملى كليانه‌و ئه‌كه‌ن و مقه‌يه‌تى له‌ لايه‌ن ئنسانى و بارودوخ ئه‌و په‌نابه‌ره‌يله‌ ناكه‌ن.

 

جى باسه‌، جاف هه‌مش وت: ئيچنه‌ له‌وه‌رگرتن ڕى وشوونه‌يليگ له‌لايه‌ن حكومه‌ت عراقيه‌و ره‌ته‌و ئه‌كريه‌ێد و كله‌وكردن ئه‌و په‌نابه‌ره‌يله‌ ئه‌را عراق بايه‌سه‌ له‌ڕێ ياسايى و ريككفه‌تن ناونى عراق و ئه‌و ده‌وڵه‌ته‌يله‌ بدێ وه‌ل خواست كاركردن له‌بان هانداين ته‌وعى ئه‌و په‌نابه‌ره‌يله‌ نه‌ك وه‌ زووره‌ملى و ناچاركردنيان.