هــــه‌واڵ عــیراق
ئوردن ئاماده‌س ئه‌را وازكردن "ترێبيل" و عراق دڵنيا نيه‌ له‌ جاده‌ ناوده‌وڵه‌تيه‌گه‌ێ ‌

ئوردن ئاماده‌س ئه‌را وازكردن "ترێبيل" و عراق دڵنيا نيه‌ له‌ جاده‌ ناوده‌وڵه‌تيه‌گه‌ێ  ‌


شه‌فه‌ق نيوز/ سه‌رچه‌وه‌يگ وه‌رپرس ئوردنى باس له‌وه‌ كرد ك عه‌مان ئاماده‌س ئه‌را وازكردن ده‌روازه‌ى ترێبيل، وه‌لێ ده‌سڵاته‌يل عراقى هيمان گه‌ردنه‌ شوون وه‌سيله‌ێ زه‌مانه‌تكردن جاده‌ێ ناوده‌وڵه‌تى وه‌ره‌و ده‌روازه‌گه‌ له‌ ديم عراقه‌و.

 

سه‌رچه‌وه‌گه‌ له‌ زووان رووژنامه‌ێ ئه‌لغه‌د ئوردنى وت: تائيسه‌ له‌لايه‌ن ده‌سڵاته‌يل عراقيه‌و وه‌ شيوه‌يگ فه‌رمى ئاشكراى ميكانيزميگ نه‌كرياگه‌ ئه‌را په‌يڕه‌وكردنى له‌وه‌ر ده‌سه‌وه‌ركردن مقه‌يه‌تى له‌ ده‌روازه‌ى ترێبيل و ئه‌و ڕييه‌ ك ئه‌چێد وه‌ره‌و ده‌روازه‌گه‌.

 

جى باسه‌، راپۆرته‌يليگ باس له‌وه‌ ئه‌كه‌ن ك به‌غدا نياز ئه‌وه‌ ديرێد ئه‌رك زه‌مانه‌تكردن ڕى ناوده‌وڵه‌تى له‌ مه‌رزه‌يل ئوردنيه‌و تا به‌غداى پايته‌خت بيه‌ێده‌ ده‌س كومپانيايگ ئاسايشى ئه‌مريكى.