هــــه‌واڵ كــوردى
نه‌يچێروان بارزانى: سه‌ركردايه‌تى بويرانه‌ێ عبادى داعش وايان

نه‌يچێروان بارزانى: سه‌ركردايه‌تى بويرانه‌ێ عبادى داعش وايان


شه‌فه‌ق نيوز/ نه‌يچێروان بارزانى سه‌رۆك حكومه‌ت هه‌رێم كوردستان پيرووزبايى له‌ حه‌يده‌ر عبادى سه‌رۆك حكومه‌ت عراقى كرد وه‌ بوونه‌ێ ئازادكردن موسڵ له‌ ترۆريسته‌يل ريكخرياگ داعش.

 

نويسينگه‌ێ سه‌رۆك حكومه‌ت هه‌رێم له‌ به‌ياننامه‌يگ ئه‌وه‌ ده‌رخست ك بارزانى خوه‌شاڵى خوه‌ێ نيشانداگه‌ ئه‌را ئى سه‌ركه‌فتنه‌و وتگه‌: ئى سه‌ركه‌فتنه‌ ده‌سوه‌پيكردن قوناغ تازه‌يگه‌ ئه‌را هاوردنه‌وه‌ێ ژيان و ئاوه‌دانى و سه‌قامگيرى ئه‌را مه‌ردم موسڵ و عراق وه‌ گشتى.

 

جى باسه‌، بارزانى له‌و به‌ياننامه‌ وت: بيگومان مه‌سه‌له‌ێ راوناين ترۆريسه‌يل له‌ موسڵ و ئازادكردن شاره‌گه‌ ك وه‌ سه‌رۆكايه‌تى بوێرانه‌ێ عبادى و سه‌رپه‌رشى راسه‌وخۆيان سه‌ركه‌فتن گه‌ورايگ بوێ و له‌وه‌يش گرينگتر ئه‌وه‌سه‌ ك له‌ قوناغ ئاينده‌ وه‌ شيوه‌يگ جددى كار بكريه‌ێد وه‌خاتر له‌ناوبردن فكر داعشى له‌ ڕيشگ و ئه‌و هووكاره‌يله‌ ك بوينه‌ مايه‌ێ دروسبوين و دامه‌زرانن داعش و ئه‌و زه‌مينه‌ له‌ناو بووريه‌ێد ك خوه‌ش كريا ئه‌ڕاێ، ئه‌ويش له‌ڕى پرووسه‌ێ سياسى خاسيگ ك گشت پيكهاته‌و چين و لايه‌نه‌يل عراقى بگرێده‌ خوه‌ێ و به‌شدارى راسكانى و مافه‌يليان ده‌سه‌وه‌ر بكا.