هــــه‌واڵ عــیراق
ساڵح چه‌وه‌ڕيه‌ ئه‌مريكا قسه‌گه‌ێ تره‌مپ له‌باره‌ى چه‌ودێرى ئيران رووشنتره‌و بكا

ساڵح چه‌وه‌ڕيه‌ ئه‌مريكا قسه‌گه‌ێ تره‌مپ له‌باره‌ى چه‌ودێرى ئيران رووشنتره‌و بكا


شه‌فه‌ق نيوز/ به‌رهه‌م ساڵح سه‌رۆك كۆمار پيشبينى ئه‌وه‌ كرد عال عه‌بدولمه‌هدى سه‌رۆك ئه‌نجومه‌ن وه‌زيره‌يل سه‌ركه‌فتگه‌ له‌ جيوه‌جيكردن به‌رنامه‌ حكوميه‌گه‌ى ك وه‌پى سپارياگه‌و له‌ هه‌مان وه‌خ باسيش له‌وه‌ كرد ك چه‌وه‌ڕێ ئاشكراكردنيگ زيار له‌ ئداره‌ى ئه‌مريكى ئه‌كا له‌باره‌ى شماره‌ى هيزه‌يلى له‌ عراق.

 

ساڵح له‌ وته‌يگ له‌وه‌خت ده‌سوه‌پيكردن ديدار رافده‌ين ناوده‌وڵه‌تى ئه‌را ساڵ 2019، وت: واين داعش له‌ڕوێ سه‌ربازى و دامه‌زرانن حكومه‌ت تازه‌ له‌ به‌غدا خاڵيگ ئاڵشتكاريه‌ نه‌ك جياكه‌ره‌وه‌ وه‌ نسبه‌ت ئه‌را عراق، به‌ڵكوو ئه‌را گشت ناوچه‌گه‌.

 

ساڵح له‌باره‌ى لێدوانه‌يل دۆناڵد تره‌مپ سه‌رۆك ئه‌مريكايش وت: سه‌رۆك ئه‌مريكا داواى روخسه‌ت له‌ عراق نه‌كردگه‌ ئه‌را وجوود سه‌ربازێ ئه‌مريكى له‌وه‌ر چه‌ودێرى ئيران و ئيمه‌يش داواى ئاشكراكردنيگ زياتر له‌ واشنتۆن ئه‌كه‌يم له‌باره‌ى شماره‌ى هێزه‌يل ئه‌مريكى و ئه‌ركه‌يليان و جه‌ختيش له‌وه‌ كرد ك هيزه‌يل ئه‌مريكى له‌ رعاق وه‌ گووره‌ى ريككه‌فتن ناونى هه‌ردوگ وڵات بويه‌.

 

جى باسه‌، دۆناڵد تره‌مپ سه‌رۆك ئه‌مريكى زويتر له‌ لێدوانيگ وت: ئه‌خوازێد هيزه‌يل سه‌ربازێ وڵاته‌گه‌ى له‌ عراق بيلێده‌و له‌وه‌ر هاتر چه‌وديريكردن ئيران.