هــــه‌واڵ عــیراق
به‌غدا ئاماده‌ى خوه‌ى كردگه‌و چه‌وه‌ڕى نه‌وروزه‌

به‌غدا ئاماده‌ى خوه‌ى كردگه‌و چه‌وه‌ڕى نه‌وروزه‌


شه‌فه‌ق نيوز/ ده‌زگاى شاره‌وانى كه‌ڕاده‌ له‌ به‌غدا ئاشكراى ته‌مامكردن گشت ئاماده‌كاره‌يل تايبه‌تيگ وه‌ نه‌وروز كرد و ئاماژه‌ وه‌ ئاماده‌كردن پاركه‌يل و شوونه‌يل خوه‌شگوزه‌رى كرد ئه‌را پيشوازى له‌ خيزانه‌يل به‌غدادى.

 

ده‌زگاگه‌ له‌ به‌ياننامه‌يگ ئه‌را(شه‌فه‌ق نيوز)وت: گشت ئاماده‌كاريه‌يليگ تايبه‌ت وه‌ جه‌شنه‌يل نه‌وروز ته‌مام كرديمنه‌ جوور پاكسازى پاركه‌يل و چه‌مه‌نه‌يل و شوونه‌يل گشتى خوه‌شگوزه‌رى له‌ كه‌رته‌ شاره‌وانى كه‌ڕاده‌و له‌وانه‌يش باخچه‌يل جاده‌ى ئه‌بى نوئاس و ئاماده‌كردنى وه‌ گشت هه‌وه‌جه‌يليگ ئه‌را پيشوازى له‌ خيزانه‌يل به‌غدادى.

 

جى باسه‌، ده‌زگاى ناوبرياگ هه‌ميش وت: هه‌ڵمه‌تيگيش ئه‌نجام درياگه‌ ئه‌را پاكه‌وكردن و شووردن جاده‌يل سه‌ره‌كى و ره‌سيف و شوونه‌يل تر و ده‌رخستنى وه‌شيوه‌يگ پاك و جوان و هه‌ر وه‌و خاتريشه‌ زويتريش شماره‌يگ شه‌تڵ و داريش كاڵيه‌ وه‌ل بڕ فريه‌يگ له‌ گوڵه‌يل و گژوگياى جوراوجوور.