هــــه‌واڵ كــوردى
دوياى فيشتر له‌ 25 ساڵ.. يه‌كه‌مجاره‌ به‌ڵگه‌يليگ بڵاو ‌كريان كورده‌يل فه‌يلى ده‌سميه‌ت راپه‌ڕينكاره‌يل‌ كوردستان دانه‌

دوياى فيشتر له‌ 25 ساڵ.. يه‌كه‌مجاره‌ به‌ڵگه‌يليگ بڵاو ‌كريان كورده‌يل فه‌يلى ده‌سميه‌ت راپه‌ڕينكاره‌يل‌ كوردستان دانه‌


شه‌فه‌ق نيوز/ ئه‌ڵڵاجه‌وێ نيه‌ هه‌ناى ئه‌ژنه‌وێم ك كورده‌يل فه‌يلى ده‌سميه‌ت پيشكه‌ش كردنه‌ يا يشه‌كه‌ش ئه‌كه‌نه‌ رووڵه‌يل نه‌ته‌وه‌گه‌يان له‌ هه‌رێم كوردستان و ئه‌وان هه‌ميشه‌ وه‌رجه‌ گشت كه‌سه‌يليگ پشتگير جموجويل ئازاديخواز كورد بوينه‌و خه‌وه‌ر له‌ خوه‌شى و ئه‌و ته‌نگى مه‌ردم كورديشه‌ داشتنه‌ ك هاته‌سه‌ تويش گشت رووڵه‌يل ئى نه‌ته‌وه‌.

 

هه‌ر وه‌ختيگيش قسه‌ له‌بان ده‌سميه‌ته‌يل ماددى ئه‌وساى ئه‌و جموجويله‌ بكريه‌ێد، يه‌كسه‌ر هوير وه‌ نائيرادێ ئه‌كه‌فێده‌ لاى كورده‌يل فه‌يلى و ئيجاريشه‌ فه‌يليه‌يل به‌شدارى كردنه‌ له‌ پشتگيرى راپه‌ڕينه‌ مليۆنيه‌ گه‌وراگه‌ ك هاته‌ تويش ملله‌ت كوردستان له‌ وه‌هار ساڵ 1991.

 

جى باسه‌، چه‌نه‌ها به‌ڵگه‌ ده‌ركه‌فتنه‌ ك بڕيگ له‌ كه‌سايه‌تيه‌يل كورد ده‌سميه‌ت گشت جووريگ ئه‌را راپه‌ڕينكاره‌يل دژ رژيم وه‌رين پيشكه‌ش كردنه‌ له‌و وه‌خته‌يله‌ ك له‌تى لق 8 پارت ديموكرات كوردستان ريز و سپاسگوزارى پيشكه‌ش كردگه‌ له‌باره‌ى ئه‌و ده‌سميه‌ته‌يله‌.