هــــه‌واڵ عــیراق
ئوردن هه‌وڵ وازكردن "كه‌رامه"‌ ئه‌ياد له‌ناونى خوه‌ى و عراق

ئوردن هه‌وڵ وازكردن "كه‌رامه"‌ ئه‌ياد له‌ناونى خوه‌ى و عراق


شه‌فه‌ق نيوز/ سه‌رچه‌وه‌يل ئوردنى جه‌خت له‌وه‌ كردن ئوردن و عراق دانيشتنيگ ساز ئه‌كه‌ن له‌ماوه‌ى رووژه‌يل ئاينده‌ له‌وه‌ر تاوتوێكردن مه‌سه‌له‌ى ده‌سوه‌پيكردن جموجويل گه‌شتكردن ده‌يشتايى له‌ناونى هه‌ردوگ وڵات له‌رێ ناوه‌ند كه‌رامه‌ى ترێبيل مه‌رزێ.

 

ماڵپه‌ڕ "عه‌مون" ئوردنى ك شه‌فه‌ق نيوز ئاگادارى بوێ، وت: ئه‌وه‌ سه‌رچه‌وه‌يله‌ باس له‌وه‌ كردنه‌ ئوردن داوا له‌ لايه‌ن عراقى كردگه‌ واده‌يگ ديارى بكا ئه‌را ئى دانيشتنه‌ ك له‌تى باس له‌ تاوتويكردن رێ و شوونه‌يل فيزا و ئيقامه‌ ئه‌كريه‌ێد بيجگه‌ پێوه‌ره‌يل ئه‌مان له‌بان رێ وه‌ره‌و به‌غدا.

 

ماڵپه‌ڕه‌گه‌ هه‌ميش وت: ئوردن يه‌كه‌مجار هوير له‌وه‌ ئه‌كا رێ وه‌و سه‌ياره‌يل عراقى بيه‌ێد ئه‌را ئه‌وه‌ك گه‌شتكه‌ره‌يل عراقى جيواز بكه‌ن له‌ عه‌مان ئه‌را به‌غدا وه‌رجه‌ ئه‌وه‌گ رێ وه‌ سه‌ياره‌يل ئوردنى بيه‌ێد له‌وه‌ر هووكاره‌يل ئه‌منى.