هــــه‌واڵ عــیراق
ئه‌نته‌رپوڵ داوا له‌ عراق كرد كه‌سه‌يل داواكرياێ له‌بان كاره‌يل تايفێ ته‌سليم بكا

ئه‌نته‌رپوڵ داوا له‌ عراق كرد كه‌سه‌يل داواكرياێ له‌بان كاره‌يل تايفێ ته‌سليم بكا


شه‌فه‌ق نيوز/ شاند باڵايگ له‌ ريكخرياگ پۆليس تاوانه‌يل ناوده‌وڵه‌تێ "ئه‌نته‌رپوڵ" كووتايى وه‌ سه‌ردانه‌گه‌ێ ئه‌را به‌غدا هاورد، ك يه‌يش يه‌كه‌مين سه‌ردانيگه‌ وه‌رجه‌ په‌نج ساڵ تائيسه‌و جه‌خت له‌بان ئه‌وه‌ كرد ك خواسته‌ عراق ته‌سليم گشت داواكرياگه‌يل بكاده‌ ده‌وڵه‌ته‌يليان و ترس له‌وه‌ داشت عراق داواكرياگه‌يليگ بگرێده‌ خوه‌ێ له‌وه‌ر كاره‌يل تايفى له‌ وڵاته‌يليان داواكرياگن.

 

وه‌ گووره‌ى راپۆرتيگ ك "ئه‌لعه‌ره‌بى ئه‌لجديد" بڵاويه‌و كرد، ئه‌و شانده‌ ك يورغن ستوك ئه‌ميندار گشتى ئه‌نته‌رپۆڵ سه‌رۆكايه‌تيى كرد له‌وه‌خت سه‌ردانه‌گه‌ێ ئه‌را به‌غدا، چه‌وێ كه‌فته‌سه‌ حه‌يده‌ر عبادى سه‌رۆك وه‌زيره‌يل و شماره‌يگ له‌ وه‌رپرسه‌يل له‌ وزاره‌ت ناوخوه‌يى و ئه‌نجومه‌ن دادگاى باڵاێ عراقى و له‌تى باس له‌ ئاڵشت وئوڵشت شاره‌زايى و بنياتناين توانايه‌يل عراقى كرياگه‌ له‌ مه‌سه‌له‌ێ تاوانه‌يل زانياريى و په‌يوه‌ندێ كۆمه‌ڵايه‌تى و مه‌سه‌له‌ێ دزين دارايى و تيرۆر و هاوردنه‌وه‌ى دارايه‌يل دزرياگ و ئه‌و تاوانباره‌يله‌ ك واينه‌.

 

جى باسه‌، راپۆرته‌گه‌ يه‌يش ده‌رخست ك له‌و ديداره‌ باسيش له‌ داواكاريه‌يل ئه‌نته‌رپۆڵ كرياگه‌ ئه‌را مامڵه‌كردن وه‌شيوه‌يگ دادگه‌رانه‌ له‌باره‌ى دوسيه‌ى داواكرياگه‌يل وه‌ ئه‌وه‌گ بايه‌سه‌ له‌بان عراق ته‌سليم ئه‌و داواكرياگه‌يله‌ بكاده‌ ده‌وڵه‌ته‌يليان ك وجوود ديرن له‌لاى.