شه‌فه‌ق نيوز/ چه‌ودير ئۆرومتوه‌ستى ئه‌را مافه‌يل ئاده‌ميزاد تومه‌تبار حكومه‌ت عراقى كرد وه‌ مه‌سه‌له‌ى كوشتن و سزاداين مه‌ردمه‌يل خوه‌ينيشانده‌ر له‌ پاريزگايه‌يل ناوڕاس و باشوور عراق.

چه‌وديره‌گه‌ ئه‌وه‌ ده‌رخست ك به‌ڵگه‌ى ئه‌وه‌ ديرێد ده‌سڵاته‌يل عراقى هيز ئه‌يه‌رنه‌ كار له‌ مامڵه‌كردن وه‌ل خوه‌ينيشانده‌ره‌يل و سه‌دان كه‌سيش له‌ليان ده‌سگير كردنه‌و سزايان دانه‌و له‌ليانيش ناديار كردنه‌.

چه‌ودير ناوبرياێ له‌ به‌ياننامه‌يگ وت: هيزه‌يل ئه‌من عراقى له‌ مه‌يدان عه‌بدولكه‌ريم قاسم له‌ناوڕاس پاريزگاى به‌سره‌ له‌ رووژ شه‌ممه‌ى گوزه‌يشت له‌ خوه‌ينيشانده‌ره‌يل كوشتگه‌و غاز ئه‌سرڕشن وه‌رانوه‌ريان هاورده‌سه‌ه‌ كار و شماره‌يگيش له‌ليان ده‌سگير كردگه‌و له‌ماوه‌ى دو مانگ گوزه‌يشتيش تائيسه‌ 18 كه‌س كوشتگه‌و ئه‌نته‌رنێتيش له‌چه‌ن شاريگ عراقى بڕيه‌ وه‌ل ده‌سوه‌پيكردن خوه‌ينيشانداينه‌يل.