هــــه‌واڵ كــوردى
كوردستان چوار ناوچه‌ى گه‌وراى پيشه‌سازى دامه‌زرنێد

 كوردستان چوار ناوچه‌ى گه‌وراى پيشه‌سازى دامه‌زرنێد


شه‌فه‌ق نيوز/ وه‌زاره‌ت پيشه‌سازى و كانزايه‌يل له‌ حكومه‌ت هه‌رێم كوردستان، ئاشكراى پلان دامه‌زرانن چوار ناوچه‌ى گه‌وراى پيشه‌سازى كرد له‌ هه‌رێم، ك بڕيار بوێ زويتر ئى پرووژه‌ ئه‌نجام بدرياتاد، وه‌لێ له‌وه‌ر قه‌يران دارايى دوياخريا.

 

له‌ى باوه‌ته‌و، حاجى سواره‌ عه‌زيز وه‌ڕيه‌وبه‌ر گشتى نه‌خشه‌دانان له‌ وه‌زاره‌ت بازرگانى و پيسه‌شازى له‌ حكومه‌ت هه‌رێم، ئه‌وه‌ ده‌رخست ك له‌ساڵ 2013 ره‌زامه‌نى له‌بان وازكردن چوار ناوچه‌ى پيشه‌سازى له‌ هه‌رێم وه‌رگرتگه‌ جوور قوناغ يه‌كه‌م و ئه‌را هه‌ر ناوچه‌يگيش 45 مليار دينار ته‌رخان كرياگه‌ وه‌ل ته‌رخانكردن رويوه‌ر 3 هه‌زار دۆنم زه‌وێ، وه‌لێ له‌و وه‌خته‌يله‌ له‌وه‌ر قه‌يران دارايى ئه‌و پرووژه‌ جيوه‌جى نه‌كريا.

 

جى باسه‌، ئيسه‌يش وه‌زاره‌ته‌گه‌ باوه‌رێ ئه‌وه‌سه‌ له‌ى قوناغ ئيسه‌ بايه‌سه‌ ئه‌و پرووژه‌ جيوه‌جێ بكريه‌ێد و له‌ى دوياخريشه‌ سه‌رۆك حكومه‌ت هه‌رێم ئاشكراى بڕياريگ كرد ئه‌را ته‌مامكردن پرووژه‌يل ك جيوه‌جى نه‌كريانه‌.