ئابوورى
بازرگانى له‌باره‌ى لاوردن باج گومرگى له‌بان كاڵاێ ئوردنى ئاشكراكردنيگ دا

بازرگانى له‌باره‌ى لاوردن باج گومرگى له‌بان كاڵاێ ئوردنى ئاشكراكردنيگ دا


شه‌فه‌ق نيوز/ وه‌زاره‌ت بازرگانى، ئاشكراى قانجازه‌يل ريككه‌فتن ناونى عراق و ئوردن كرد ئه‌را پته‌وكردن هاوكارى بازرگانى و ئابوورى ناونى هه‌ردوگ وڵاته‌گه‌ و ئاماژه‌ وه‌و ريككه‌فتنه‌ كرد ك لاوردن باج گومرگى له‌بان گشت ئه‌و كاڵايه‌يله‌ ناگرێده‌و ك ئه‌يه‌ێده‌ ناو خاك عراق.

 

وه‌زاره‌ت بازرگانى له‌ به‌ياننامه‌يگ ئه‌را شه‌فه‌ق نيوز وت: ئه‌و ريككه‌فتتنه‌ وه‌ خاسى ئه‌شكيه‌ێده‌و له‌بان گه‌شه‌كردن و ئابوورى هه‌ردوگ ملله‌ت عراقى و ئوردنى و حكومه‌ت ئوردنى بريار لاوردن باج باج له‌بان ئه‌و كاڵايه‌يل عراقى هاورياگه‌ دا له‌ به‌نده‌ر عه‌قه‌به‌ وه‌ ريژه‌ى 75% له‌ باجه‌يل و دوياخريش ئه‌و بڕه‌ پويله‌ ك مسته‌ورد عراقى ئه‌ياده‌ى نزيكه‌ى 25% ئه‌دێ له‌ باج.

 

باس له‌وه‌يش كرد ك لاوردن باج گومرگى گشت كاڵايه‌يليگ هاورياێ ئه‌را عراق ناگرێده‌و ، ته‌نيا ئه‌و ليسته‌يله‌ ئه‌گرێده‌و ك زه‌ره‌د نه‌يرن ئه‌را پيشه‌سازى و كشتوكاڵ ناوچه‌يى عراقى و ئه‌و باجه‌يليشه‌ مينن ك دانرياگه‌ له‌بان كاڵايه‌يليگ ك له‌عراق دروس ئه‌كريه‌ن.