هــــه‌واڵ كــوردى
بارزانى: ملله‌ت كوردستان رێ سه‌روه‌خوه‌يى گرتنه‌سه‌ وه‌ر و ماف مه‌سيحيه‌يل پاريزياگه‌

بارزانى: ملله‌ت كوردستان رێ سه‌روه‌خوه‌يى گرتنه‌سه‌ وه‌ر و ماف مه‌سيحيه‌يل پاريزياگه‌


شه‌فه‌ق نيوز/ مه‌سعود بارزانى سه‌رۆك هه‌رێم كوردستان، موباره‌كبايى له‌ كلدان و سريان و ئاشووريه‌يل كرد له‌ رووژ شه‌هيده‌يليان له‌ ساڵياد كوشتارگه‌ێ "سميل" ك سه‌دان كه‌س له‌ مه‌سيحيه‌يل له‌ سه‌ره‌تاێ ساڵه‌يل سى سه‌ده‌ێ وه‌رين له‌تى بوينه‌ قوربانى.

 

بارزانى كوشتارگه‌ێ سميل وه‌ به‌شيگ له‌ مه‌ويسى و كاره‌ساته‌يليگ تاريف كرد ك هاته‌ تويش گشت ملله‌ت كوردستان و وت: له‌ 84 ساڵه‌ێ ساڵياد ئه‌و كاره‌ساته‌ له‌بان خوه‌يشك و برايه‌يل مه‌سيحى و پيكهاته‌يل تر له‌ هامارێ نه‌ينه‌وا ك ريككه‌فت بوى وه‌ل وسێه‌يمين ساڵياد په‌لاماره‌يل داعش ماناێ ئه‌وه‌ ئه‌ياد ك مه‌سيحيه‌يل ئه‌وسا و ئيسه‌و له‌ ئاينده‌يش هانه‌ حاڵه‌ت سه‌خت و ئارامى وه‌ل باقى پيكهاته‌يل تر ملله‌ت كوردستان له‌ مه‌سه‌له‌ێ چاره‌نويس.

 

جى باسه‌ بارزانى هه‌ميش وت: حاڵ حازر ملله‌ت كوردستان ڕێ سه‌روه‌خوه‌يى گرتنه‌سه‌ وه‌ر له‌ داناين يه‌كه‌م گامه‌يليگ و ئاماژه‌ وه‌يه‌يش كرد ك ماف و خواسته‌يل برا مه‌سيحيه‌يليش له‌ كوردستان له‌ گشت قوناغه‌يل پاريزياگه‌و ژيان هاوبه‌ش و برايه‌تى له‌ كوردستان فيشتر بته‌و ئه‌دێ.