هــــه‌واڵ عــیراق
"عه‌ديله‌" و "ئه‌لساعدى" تومه‌تبار يه‌كترى ئه‌كه‌ن بڕياريش ها ده‌س عبادى

"عه‌ديله‌" و "ئه‌لساعدى" تومه‌تبار يه‌كترى ئه‌كه‌ن بڕياريش ها ده‌س عبادى


شه‌فه‌ق نيوز/ وزاره‌ت ته‌ندروسى عراقى جواو تومه‌ته‌يل ئه‌حمه‌د ره‌حيم ئه‌لساعدى وشكاننكار وزاره‌ته‌گه‌ وه‌ درووخستن داره‌و له‌باره‌ى تويشهاتن عه‌ديله‌ حمود وه‌زير وزاره‌ته‌گه‌ وه‌ دوسيه‌يل گه‌ناته‌كاره‌.

 

له‌ى باوه‌ته‌و، سه‌يف ئه‌لبه‌در قسه‌كه‌ر وه‌ناو وزاره‌ت ته‌ندروسى ئه‌را شه‌فه‌ق نيوز  مه‌سه‌له‌ى ئى تومه‌ته‌يله‌ برده‌و ئه‌را خوه‌يكيشانه‌وه‌ى وشكاننكار گشتى له‌ وزاره‌ته‌گه‌ وه‌ بڕياريگ له‌ ده‌سه‌ێ ده‌سپاكى وه‌رجه‌ سێ هه‌فته‌، ئه‌ويش له‌بان به‌ڵگه‌يليگ ئدانه‌ى ئه‌كاو وه‌زير وزاره‌ته‌گه‌ پيشكه‌شى كرده‌سه‌ لايه‌نه‌يل په‌يوه‌نديدار له‌ ده‌زگاى دژه‌ گه‌ناته‌كارى.

 

جى باسه‌، ئه‌لبه‌در وت: له‌وه‌رگرتن ڕى وشوون ئاينده‌ په‌سه‌نكردنه‌ له‌لايه‌ن سه‌رۆك وه‌زيره‌يل له‌بان ئى مه‌سه‌له‌و پيشبينى يه‌يش ئه‌كه‌يم له‌ماوه‌ى دو رووژ تر ئاينده‌ دوياى ته‌مامكردن ئاكامه‌يل په‌يجورى و ئى دوسيه‌ وه‌ ته‌مامى يه‌كلاوه‌ ئه‌كريه‌ێد و ئاشكراى ئه‌كريه‌ێد ئه‌را راى گشتى.