هــــه‌واڵ كــوردى
كلكردن 576 مليار دينار هه‌قده‌س جفتياره‌يل كوردستان چه‌وه‌ڕى ئمزايگ ئه‌كا

 كلكردن 576 مليار دينار هه‌قده‌س جفتياره‌يل كوردستان چه‌وه‌ڕى ئمزايگ ئه‌كا


شه‌فه‌ق نيوز/ محه‌مه‌د هاشم عانى وه‌زير بازرگانى عراقى له‌ ديدارى وه‌ل سه‌رۆك كۆمه‌ڵه‌ى جفتياره‌يل هه‌رێم كوردستان قه‌وڵ هه‌وڵداين جددى دا ئه‌را داين هه‌قده‌س ساڵه‌يل وه‌رين جفتياره‌يل له‌لايه‌ن حكومه‌ت ناوه‌ندى و جه‌ختيش له‌وه‌ كرد داواى بڕ 77 مليار دينار زيايه‌يش كرد ئه‌را بان بڕه‌ پويليگ ك ئيسه‌ وجوود ديرێد و 499 مليار ديناره‌.

 

كۆمه‌ڵه‌ى جفتياره‌يل هه‌رێم كوردستان/ سه‌رده‌م له‌ به‌ياننامه‌يگ ئه‌را شه‌فه‌ق نيوز وت: مام فارس عه‌بدوڵڵا سه‌رۆك كۆمه‌ڵه‌گه‌و و به‌شدار حه‌سه‌ن پارێزه‌ر خوه‌يبه‌خش له‌ مه‌سه‌له‌ى هه‌قده‌س جفتياره‌يل هه‌رێم وه‌ل محه‌مه‌د هاشم عانى وه‌زير بازرگانى له‌ به‌غدا قسه‌ كردنه‌ ئه‌را داين هه‌قده‌س جفتياره‌يل و وه‌زير بازرگانييش قه‌وڵ داگه‌ هه‌وڵ جدى بيه‌يد له‌و باوه‌ته‌و.

 

به‌ياننامه‌گه‌ يه‌يش ده‌رخست عانى قه‌وڵ داگه هه‌وڵ جدى بيه‌ێد و باس له‌وه‌يش كردگه‌ چه‌وه‌ڕى ره‌زامه‌نى عادل عه‌بدولمه‌هدى سه‌رۆك وه‌زيره‌يل ئه‌كا ئه‌را داين ئه‌و هه‌قده‌س جفتياره‌يل هه‌رێم كوردستانه‌.