هــــه‌واڵ كــوردى
كوردستان ره‌خنه‌ له‌ به‌غدا گرت و داواى هاوكارى له‌لى كرد

كوردستان ره‌خنه‌ له‌ به‌غدا گرت و داواى هاوكارى له‌لى كرد


شه‌فه‌ق نيوز/ حكومه‌ت هه‌رێم كوردستان ره‌خنه‌ له‌ حكومه‌ت به‌غدا گرت و وت: هويچ قه‌ره‌بووييگ پيشكه‌ش وه‌ خيزان قوربانيه‌يل ئه‌نفال نه‌كردگه‌و داوايش له‌لى كرد هاوكارى بكا ئه‌را زه‌مانه‌ت ئاينده‌ى قوناغ دوياى ريكخرياگ ترۆريستى داعش.

 

حكومه‌ت هه‌رێم كوردستان له‌ به‌ياننامه‌يگ وه‌ بوونه‌ى هه‌ڵمه‌ته‌يل ئه‌نفال وت: حكومه‌ت هه‌رێم ناڕزايى خوه‌ى وه‌رانوه‌ر حكومه‌ت عراقى ده‌رخه‌ێد ك له‌وه‌خت رميان رژيم وه‌رين تائيسه‌ وه‌پرسيارێتى خوه‌ى وه‌جى ناوردگه‌و هويچ قه‌ره‌بووييگ پيشكه‌ش وه‌ خيزان شه‌هيده‌يل ئه‌نفال نه‌كردگه‌ نه‌ له‌ڕوى ماددى و نه‌يش له‌ڕوى مه‌عنه‌وى.

 

جى باسه‌، حكومه‌ت هه‌رێم له‌و به‌ياننامه‌ هه‌ميش وت: ئمڕوو ئيمه‌ هايمنه‌ سه‌ره‌تاى قوناغ دوياى داعش و بايه‌سه‌ له‌بان گشتلايگ به‌شدار بوون و وجوود داشتوون له‌ بنياتنانه‌وه‌ى ژيرخان ئابوورى ئه‌را يه‌كڕزى و ئاينده‌يگ رووشنتر له‌ قوناغيگ ك داعش له‌تى نامينێد.