هــــه‌واڵ كــوردى
ئه‌نجومه‌ن باڵاێ راپرسى له‌ كوردستان ئاشكراێ ته‌مامكردن ئاماده‌كاريه‌يلى كرد

ئه‌نجومه‌ن باڵاێ راپرسى له‌ كوردستان ئاشكراێ ته‌مامكردن ئاماده‌كاريه‌يلى كرد


شه‌فه‌ق نيوز/ ئه‌نجومه‌ن باڵاێ راپرسى له‌ هه‌رێم كوردستان دانيشتنيگ وه‌ سه‌رپه‌رشى مه‌سعود بارزانى سه‌رۆك هه‌رێم كوردستان و به‌شداريكردن نوێنه‌ره‌يل هه‌ر به‌ك له‌ حزبه‌يل سياسى و نه‌ته‌وه‌يل و ئايينه‌يل تر له‌ هه‌رێم ساز كرد.

 

ئه‌نجومه‌نه‌گه‌ له‌ به‌ياننامه‌يگ له‌ شوون دانيشتنه‌گه‌ جه‌خت له‌ پايه‌ندێ ئه‌نجامداين راپرسێ كرد له‌ واده‌ێ دياريكرياێ خوه‌ێ له‌ 25 ئه‌يلوول ئاينده‌ ك ناوچه‌يل كوردستانى ده‌يشت هه‌رێميش ئه‌گرێده‌و.

 

به‌ياننامه‌گه‌ هه‌ميش وت: حكومه‌ت هه‌رێم وه‌گشت توانايگيه‌و وه‌ هاوكارى وه‌ل كومسيۆن باڵاێ هه‌ڵوژاردنه‌يل و راپرسى له‌ هه‌رێم و لايه‌نه‌يل په‌يوه‌نديدار گشت ئاماده‌كاريه‌يل خواستيگ ئه‌را ئه‌نجامداين ئه‌و راپرسيه‌ ته‌مام كردگه‌.