شه‌فه‌ق نيوز/ وه‌ گووره‌ى ئاماره‌يل كه‌رت نه‌فت و سه‌رچه‌وه‌يل ده‌رياوانى ئه‌وه‌ ده‌ركه‌فت ك عراق شوون سعوديه‌ گرته‌سه‌و له‌ مانگ ئاب جوور گه‌وراترين هه‌نارده‌ى نه‌فت ئه‌را هند.

له‌ى باوه‌ته‌و، عراق و سعوديه‌ مقه‌يه‌تى له‌ بڕه‌ نه‌فت خوه‌يان كردن له‌ هه‌ناردنى ئه‌را هند له‌ مانگ گوزه‌يشت، ئه‌ويش وه‌ گووره‌ى ئاماره‌يل ره‌سين هووكاره‌يل جيوازكه‌ر ك له‌لايه‌ن سه‌رچه‌وه‌يله‌و دابين كرياگه‌و ئه‌وه‌يش ده‌ركه‌فت ك كومپانيايه‌يل هندى رووژانه‌ 1،02 مليۆن به‌رميل له‌ نه‌فت خام به‌سره‌ وه‌رگرتنه‌ له‌ ئاب, يه‌يش وه‌ زيايبوين نزيكه‌ى 46 له‌سه‌د له‌ مانگ وه‌رجه‌ ئاب، له‌ وه‌ختيگ ك هه‌نارده‌ى نه‌فت سعوديه‌ 5 له‌سه‌د داوه‌زێ ئه‌را نزيكه‌ى 747 هه‌زار به‌رميل رووژانه‌ له‌و ماوه‌.

جى باسه‌، وه‌ گووره‌ى هه‌مان ئاماره‌يل، ئاماژه‌ وه‌يه‌يش كرياگه‌ ك هاورده‌ى نه‌فت له‌ نه‌يجيريايش ئه‌را هند نزيكه‌ى 34 له‌سه‌د داوه‌زيه‌ له‌و ماوه‌ ئه‌را نزيكه‌ى 279 هه‌زار به‌رميل رووژانه‌.