هــــه‌واڵ عــیراق
بانك رافده‌ين مه‌رج ئه‌را داين قه‌رز وه‌ خوه‌ندكاره‌يل ديرێد

بانك رافده‌ين مه‌رج ئه‌را داين قه‌رز وه‌ خوه‌ندكاره‌يل ديرێد


شه‌فه‌ق نيوز/ بانك رافده‌ين ئاشكراى ئه‌وه‌ كرد ك داين په‌نج مليۆن دينار وه‌ خوه‌ندكاره‌يل و مامۆستا و توێژه‌ره‌يل له‌ خوه‌نين باڵا له‌ڕێ هاوردن كه‌فيليگ كارمه‌ند مه‌ده‌نيه‌و دريه‌ێد ك كارمه‌ند بوود له‌ ده‌زگايه‌يل ده‌وڵه‌ت يا خانه‌نشين.

 

نوسينگه‌ى ره‌سانن بانك رافده‌ين له‌ به‌ياننامه‌يگ ئه‌را(شه‌فه‌ق نيوز)وت: مه‌رج بنه‌ڕه‌تييگ دانرياگه‌ ئه‌را داين په‌نج مليۆن ديناره‌گه‌ ك ئه‌ويش ئه‌وه‌سه‌ له‌ڕى كه‌فيليگ كارمه‌ند مه‌ده‌نى يا خانه‌نشين و كارت يره‌ك داشتوود و ريژه‌ى برين له‌ مووچه‌گه‌ێ(50%)فيشتر نه‌دێ.

 

جى باسه‌، به‌ياننامه‌گه‌ يه‌يش ده‌رخست ك بايه‌سه‌ له‌بان خانه‌نشينه‌گه‌يش كه‌فاله‌ته‌يل تر له‌بانى نه‌دێ ئه‌را كه‌سه‌يل تر.