هــــه‌واڵ كــوردى
حكومه‌ت كوردستان ئاكام گامه‌يل سه‌ردان شاند‌يگ له‌ به‌غدا ئه‌را هه‌رێم ئاشكرا كرد

حكومه‌ت كوردستان ئاكام گامه‌يل سه‌ردان شاند‌يگ له‌ به‌غدا ئه‌را هه‌رێم ئاشكرا كرد


شه‌فه‌ق نيوز/ سه‌فين دزه‌يى قسه‌كه‌ر وه‌ناو حكومه‌ت هه‌رێم كوردستان خوه‌شاڵى حكومه‌ته‌گه‌ى ده‌رخست ئه‌را هه‌ر گام خاسيگ له‌وه‌ر ده‌سوه‌پيكردن گفتگوو ئه‌را چاره‌سه‌ر كيشه‌و ناوكووكيه‌يل ناونى هه‌ولێر و به‌غدا وه‌ گووره‌ى ده‌ستوور عراقى.

 

دزه‌يى له‌ لێدوانيگ ئه‌را شه‌فه‌ق نيوز وت: حكومه‌ت هه‌رێم كوردستان خوه‌شاڵه‌ وه‌ هه‌ر گام خاسيگ وه‌خاتر داناين چاره‌سه‌ر ئه‌را كيشه‌يل ناونى هه‌رێم كوردستان و حكومه‌ت ناوه‌ندى له‌بان بنه‌ماێ ده‌ستوور و يه‌يش ده‌رخست ك ئه‌نجومه‌ن وه‌ه‌زيره‌يل كوردستان له‌ دويا دانيشتنى جه‌خت له‌ هه‌ڵويستى كردگه‌و له‌وه‌ر خاتر چاره‌سه‌ر كيشه‌يل ئاماده‌س گفتگوو وه‌ل حكومه‌ت ناوه‌ندى بكا.

 

جى باسه‌، دزه‌يى له‌ى چوارچێوه‌ وت: حكومه‌ت هه‌رێم خوه‌شاڵى ده‌رخستگه‌ وه‌ گامه‌يل هه‌فته‌ێ گوزه‌يشت جوور سه‌ردان شانديگ له‌ حكومه‌ت عراقى ئه‌را هه‌رێم كوردستان و داواى دامه‌زرانن ليژنه‌يگ هاوبه‌ش ئه‌را گفتگوو له‌باره‌ێ ده‌روازه‌يل مه‌رزى و ته‌ياره‌خانه‌يل و وه‌ربه‌سه‌يل هه‌رێم كوردستان و داواى ليست مووچه‌ێ كارمه‌نده‌يل و وزاره‌ته‌يل ته‌ندروسى و په‌روه‌رده‌ له‌وه‌ر كلكردن مووچه‌يليان.