هــــه‌واڵ عــیراق
په‌نج هه‌زار كووچبه‌ر عراقى له‌ سوريا گله‌وخواردن

په‌نج هه‌زار كووچبه‌ر عراقى له‌ سوريا گله‌وخواردن


شه‌فه‌ق نيوز/ وزاره‌ت كووچ و كووچبه‌ره‌يل ئاشكراى ئه‌وه‌ كرد ك تويه‌نستگه‌ په‌نج هه‌زار كووچبه‌ر بارێده‌و له‌وانه‌گ له‌ موسڵه‌و واينه‌ ئه‌را ناو خاكه‌يل سورى له‌ وه‌ختيگ چه‌ته‌يل داعش پارزيگاگه‌ داگير كردن له‌ كووتايى ساڵ 2014.

 

له‌ى باوه‌ته‌و، خالد عه‌بدولكه‌ريم وه‌رپرس لق وزاره‌ته‌گه‌ له‌ پاريزگاى نه‌ينه‌وا له‌ به‌ياننامه‌يگ ئه‌را(شه‌فه‌ق نيوز)وت: شماره‌ى ئه‌و كووچبه‌ره‌يل ك گله‌وخواردنه‌ له‌ كه‌مپ ئه‌لهۆل له‌ پاريزگاى حه‌سه‌كه‌ له‌ باكوور خوه‌رهه‌ڵات سوريا په‌نج هه‌زار كووچبه‌ره‌و له‌ كه‌مپه‌يل باشوور نه‌ينه‌وا جيگير كريانه‌.

 

جى باسه‌، به‌ياننامه‌گه‌ باس له‌وه‌يش كرد ك په‌نجه‌مين وه‌جبه‌يگ له‌ كووچبه‌ره‌يل عراقى له‌وانه‌گ وجوود داشتنه‌ له‌ كه‌مپ ئه‌لهۆل له‌ سوريا هاوريانه‌سه‌و ئه‌را عراق له‌ڕى ناوچه‌ى ئوم ئه‌لزيبان مه‌رزى ناونى سوريا – عراق.