هــــه‌واڵ عــیراق
خه‌زعه‌لى له‌باره‌ى خوه‌يكيشانه‌وه‌ى "جه‌ويه‌" هاته‌ جواو

خه‌زعه‌لى له‌باره‌ى خوه‌يكيشانه‌وه‌ى "جه‌ويه‌" هاته‌ جواو


شه‌فه‌ق نيوز/ قه‌يس خه‌زعه‌لى سه‌ركرده‌ى عه‌سايب ئه‌هل حه‌ق، جه‌خت له‌وه‌ كرد ك بايه‌سه‌ جه‌زاير داوايى لێبوردن بكا له‌باره‌ى ئه‌و هتافاته‌ ك داره‌ى له‌ وازى ناونى هه‌ردوگ تيم يه‌كێتى پايته‌خت جه‌زايرى و تيم هيزه‌يل جه‌ويه‌ى عراقى له‌چوارچێوه‌ى ركابه‌ريه‌يل پاڵه‌وانێتى يانه‌يل عه‌ره‌بى.

 

خه‌زعه‌لى له‌ توێته‌ر ك شه‌فه‌ق نيوز ئاگادارى بوێ وت: ئه‌و هتافات تايفيه‌ له‌ى دوياخره‌ نه‌بايه‌س بوياتاد، چوينكه‌ ته‌مسيل ملله‌ت جه‌زايرى ئه‌كا ك له‌وه‌ر خاتر ئازاديه‌گه‌ى يه‌ك مليۆن شه‌هيد دا.

 

جى باسه‌، خه‌زعه‌لى هه‌ميش وت: بايه‌سه‌ جه‌زاير هه‌ڵويستى ئاشكرا بكاو ئه‌و كاره‌ ئدانه‌ بكا تا جه‌زايريه‌يل ته‌به‌ڕا بوون له‌و عاره‌ ك شايه‌ت كاريگه‌رى له‌ليان داشتوود و له‌ هه‌مان وه‌خت سوپاسگوزارى له‌ يانه‌ى هيز جه‌ويه‌ى عراقيش كرد ئه‌را خوه‌يكيشانه‌وه‌ى وه‌شه‌ره‌ه‌فيان.