هــــه‌واڵ كــوردى
بارزانى داواكارى تايبه‌تيگ ئاراسته‌ى ره‌ساننكاره‌يل كرد له‌ كوردستان

بارزانى داواكارى تايبه‌تيگ ئاراسته‌ى ره‌ساننكاره‌يل كرد له‌ كوردستان


شه‌فه‌ق نيوز/ مه‌سعود بارزانى سه‌رۆك هه‌رێم كوردستان، داوا له‌ رووژنامه‌نويسه‌يل و ره‌ساننكاره‌يل كورد كرد پشتگير ملله‌ته‌گه‌يان بوون و ڕى نه‌يه‌ن متمانه‌ى تاك كوردستانى وه‌ خوه‌يان كه‌مه‌و بكريه‌ێد.

 

بارزانى له‌ به‌رقيه‌يگ موباره‌كبايى ئه‌را گۆڤار گوڵان كوردى ك له‌ هه‌ولێر ده‌رئه‌چێد وه‌ بوونه‌ى23 ساڵه‌ى ده‌رچگنى وت: جى خوه‌شاڵيه‌ ك شماره‌ى فريه‌يگ له‌ كه‌ناڵه‌يل ميديايى نويسرياگ و ژنه‌فياگ و دوينرياگ هه‌ن گه‌وراترين خزمه‌ت وه‌ كيشه‌ى ره‌واى ملله‌ت كورد ئه‌كه‌ن و ده‌نگ مافه‌يل ره‌واى ره‌سننه‌ جه‌هان.

 

جى باسه‌، بارزانى هه‌ميش وت: ئه‌رك گشت ره‌ساننكاره‌يله‌ له‌ى قوناغه‌ پشتگير بوون ئه‌را ملله‌ته‌گه‌يان و نواگيرى له‌و هه‌وڵه‌يله‌ بكه‌ن ك ئامانج له‌لى متمانه‌ى تاك كوردستانى وه‌ خود خوه‌يان كه‌مه‌و بكه‌ن.